యూట్యూబ్‍‌లో ఓ స్టంట్ వీడియో చూసి.... ప్రాణాలు పోగొట్టుకున్న యువకుడు..

కొంతమంది యువకులు సాహసాలకు హద్దే లేకుండా పోతోంది. ఓ 12 యేళ్ళ యువకుడు యూట్యూబ్‌లో ఓ స్టంట్ వీడియో చూసి అలాగే చేయబోయి ప్రాణాలు కోల్పోయిన ఘటన ఒకటి తెలంగాణ రాష్ట్రంలో జరిగింది.

కొంతమంది యువకులు సాహసాలకు హద్దే లేకుండా పోతోంది. ఓ 12 యేళ్ళ యువకుడు యూట్యూబ్‌లో ఓ స్టంట్ వీడియో చూసి అలాగే చేయబోయి ప్రాణాలు కోల్పోయిన ఘటన ఒకటి తెలంగాణ రాష్ట్రంలో జరిగింది. 

కరీంనగర్ జిల్లాకు చెందిన ఎనిమిదో తరగతి చదువుతున్న కోడూరి ఘనశ్యామ్ అనే ఈ బాలుడు ఇటీవల తన ఇంట్లో యూట్యూబ్‌లో స్టంట్ వీడియో చూశాడు. అందులో ఒకరు చేసినట్టే తన నోట్లో కిరోసిన్ పోసుకుని మంట అంటించుకున్నాడు. 

ఈ ఘటనలో అతని నోరు, ఛాతీ భాగం కాలి తీవ్రంగా గాయపడ్డాడు. అతడ్ని అతని పేరెంట్స్ మొదట కరీంనగర్‌‌లోని ఆసుపత్రికి తరలించారు. ఆ తర్వాత మెరుగైన వైద్యం కోసం హైదరాబాద్‌లోని ఓ ప్రైవేట్ ఆసుపత్రిలో చేర్పించారు. అయితే అక్కడ ఆరు రోజులపాటు చికిత్స పొందుతూ ఘన శ్యామ్ మరణించాడు.