చంద్రగిరి నుంచి కుప్పంకు పారిపోయిన ఘనత చంద్రబాబుదే!

FILE

మెగాస్టార్, కాంగ్రెస్ పార్టీ నేత చిరంజీవి తిరుపతి నుంచి పారిపోయాడని తెలుగుదేశం పార్టీ అధినేత చంద్రబాబు నాయుడు వ్యాఖ్యానించడం హాస్యాస్పదంగా ఉందని దేవాదాయ శాఖ మంత్రి సి.రామచంద్రయ్య అన్నారు. చిరంజీవి తిరుపతి నుంచి పారిపోలేదని, చంద్రబాబే చంద్రగిరి నుంచి కుప్పంకు పారిపోయారని సి. రామచంద్రయ్య ఎద్దేవా చేశారు.

సొంత ఊరు చంద్రగిరిలో ఓడిపోయిన బాబు ఆ తర్వాత కుప్పంకు పారిపోయారని ధ్వజమెత్తారు. చిరంజీవిపై వ్యక్తిగత దూషణలకు దిగటం చంద్రబాబు ఆయన స్థాయిని దిగజార్చుకోవడమేనని అన్నారు. చిరుపై వ్యక్తిగత విమర్శలు మానుకోవాలన్నారు. లేదంటే ఆయన చరిత్ర తవ్వాల్సి ఉంటుందని రామచంద్రయ్య హెచ్చరించారు.