భయ్యా అంటూ లిఫ్టడిగింది.... పైసలివ్వకుంటే కేకలేస్తానన్న కి'లేడీ'

లిఫ్టిచ్చిన పాపానికి ఓ యువకుడుకి తగినశాస్తి జరిగింది. బస్టాప్ వరకు లిఫ్టివ్వమని అడిగి బైక్ ఎక్కిన ఆ కిలేడీ... బస్టాండ్‌ కంటే ముందుగానే దిగి పైసలివ్వాలని డిమాండ్ చేసింది. లేకుంటే అరుస్తానంటూ బెదిరించిం

లిఫ్టిచ్చిన పాపానికి ఓ యువకుడుకి తగినశాస్తి జరిగింది. బస్టాప్ వరకు లిఫ్టివ్వమని అడిగి బైక్ ఎక్కిన ఆ కిలాడీ లేడి... బస్టాండ్‌ కంటే ముందుగానే దిగి పైసలివ్వాలని డిమాండ్ చేసింది. లేకుంటే అరుస్తానంటూ బెదిరించింది. దీంతో ఏం చేయాలో దిక్కుతోచని ఆ యువకుడు ముప్పతిప్పలు పడ్డాడు. చివరకు వారిద్దరిని దూరంగా ఉండి గమనిస్తూ వచ్చిన బస్టాండ్‌లోని ప్రయాణికులు ఒక్కొక్కరిగా  అక్కడకు రావడం మొదలు పెట్టడంతో ఆ మాయలేడీ అక్కడ నుంచి మెల్లగా జారుకుంది. ఈ వివరాలను పరిశీలిస్తే... 

హైదరాబాద్, మాసబ్ ట్యాంక్ ప్రాంతానికి చెందిన ఓ యువకుడు బైక్‌పై హిమాయత్‌నగర్‌ బయల్దేరాడు. దారిలో పరదా కప్పుకున్న ఓ యువతి భయ్యా... బస్టాప్‌ వరకూ లిఫ్ట్‌ ఇవ్వండి.. అంటూ అడిగింది. పోనీ.. సాయం చేద్దామనుకున్నాడు. బుద్ధిగానే కూర్చున్న ఆ యువతిని బస్టాప్‌ కన్నా ముందుగా కొద్ది దూరంలో దించాడు. 

బైక్ దిగాక... థ్యాంక్స్‌ చెబుతుందేమో అనుకున్న యువకుడికి ఊహించని షాక్‌ ఎదురైంది. ఆమె పైసలిమ్మంటూ డిమాండ్‌ చేసింది. ఇవ్వకుంటే కేకలు వేస్తానంటూ బెదిరించింది. ఏమిచేయాలో పాలుపోక దిక్కులు చూస్తున్న బాధితుడిని గమనించిన బస్టాప్‌లోని వ్యక్తులు.. అక్కడకు వెళ్లారు. వీళ్లను గుర్తించిన ఆ కిలాడి లేడీ.. అక్కడ నుంచి నెమ్మదిగా జారుకుంది.