భర్త వేధించాడు... ఫలితంగా ఆతని భార్యే అతనిని చంపేసింది. ఎంతకాలం ఈ వేధింపులను తట్టుకుంటాం.. ఒక దశకు వేధింపులు భరించింది. ఈ నేపథ్యంలో ఇక లాభం లేదనుకుని తలపై రాయితో మోది హత్య చేసింది. కర్నూలు జిల్లా పత్తికొండలో ఈ సంఘటన చోటుచేసుకుంది.
దస్తగిరి, చిట్టెమ్మ అనే దంపతులు పండ్ల వ్యాపారం చేసుకుంటూ జీవించేవారు. అయితే దస్తగిరి ఎంతోకాలంగా భార్యమీద అనుమానంతో వేధిస్తున్నాడు. ఈ అంశం మీద ప్రతిరోజూ ఇద్దరి మధ్య గొడవ జరిగేది.
భర్త వేధింపులు మితిమీరడంతో చిట్టెమ్మ ఆదివారం దస్తగరి తలపై రాయినేసి హతమార్చింది. నిందితురాలిని అరెస్ట్ చేసిన పోలీసులు కేసును దర్యాప్తు చేస్తున్నారు.