సిలికాన్ వ్యాలీలో పెసరట్టు.. తెలుగు భాష అలా ఫ్లైటెక్కింది..

Telugu culture into Silicon Valley

ఆరేళ్ల క్రితం అమెరికా జనాభా లెక్కల విశ్లేషణలో దేశంలో అత్యంత వేగంగా అభివృద్ధి చెందుతున్న విదేశీ భాష తెలుగు అని తేలింది. గత దశాబ్ద కాలంగా హైదరాబాద్ నగరం ఇతర భారతీయ రాష్ట్రాల కంటే ఎక్కువ మంది విద్యార్థులను యుఎస్‌కు పంపినట్లు గణాంకాలను బట్టి తెలుస్తోంది. ఈ విద్యార్థులలో అత్యధికులు సైన్స్, టెక్నాలజీ, ఇంజనీరింగ్, గణితాన్ని అభ్యసించారు.

సిలికాన్ వ్యాలీలో పార్క్‌లు, గార్డెన్‌లు, రెస్టారెంట్‌లు, స్కూళ్లలో తెలుగు భాషను ఎక్కువగా వినవచ్చు. ఇరవై సంవత్సరాల క్రితం, సిలికాన్ ఆంధ్ర అనే స్వచ్ఛంద సంస్థ మొదట మనబడి అనే బే ఏరియాలో 300 మంది పిల్లలతో తెలుగు భాషా బోధన కార్యక్రమాన్ని ప్రారంభించింది. నేడు, సంస్థ US, కెనడా అంతటా 250 స్థానాల్లో నమోదు చేసుకున్న 11,000 మంది విద్యార్థులతో గుర్తింపు పొందిన ప్రోగ్రామ్‌ను నిర్వహిస్తోంది.

యూఎస్‌లో భారతీయులు స్థాపించిన తొలి యూనివర్సిటీ ఆఫ్ సిలికాన్ ఆంధ్రా యూనివర్శిటీ సీఈఓ, ప్రెసిడెంట్ ఆనంద్ కూచిభొట్ల మాట్లాడుతూ... బే ఏరియాలో ఉన్న తమ సంస్థ, కంప్యూటర్ సైన్స్ నుండి కూచిపూడి నృత్యం వరకు కోర్సులను అందిస్తుందన్నారు.

సిలికాన్ వ్యాలీలో తెలుగు మాట్లాడేవారి ప్రవాహం విరుద్ధమైన అంశాల కలయికతో సంబంధం కలిగి ఉండవచ్చని కూచిభొట్ల అభిప్రాయపడ్డారు. ఆంధ్ర-తెలంగాణ అంతటా విద్య-ఇంజనీరింగ్‌పై విపరీతమైన ఒత్తిడి ఉన్నప్పటికీ, ఈ ప్రాంతం ఎక్కువగా వ్యవసాయాధారితమైంది. అవిభాజ్య ఆంధ్రప్రదేశ్ అంతటా, టెక్‌లో నాణ్యమైన ఉపాధిని కల్పించే ప్రదేశం హైదరాబాద్‌తో పాటు మరొకటి లేదని ఆయన చెప్పారు.  

ఆంధ్ర-తెలంగాణా నుండి ఇంజనీర్లు ఉద్యోగాల కోసం తమ రాష్ట్రాల నుండి బయటకు వెళ్లాలని చూస్తున్నందున, సిలికాన్ వ్యాలీ ఒక స్పష్టమైన గమ్యస్థానంగా ఉంది. ఆంధ్ర-తెలంగాణాలోని ఇంజినీరింగ్ కళాశాలలు సాఫ్ట్‌వేర్ ఇంజినీరింగ్‌కు ప్రాధాన్యతనిస్తూ నేరుగా సిలికాన్ వ్యాలీ అవసరాలను తీరుస్తాయి. ఈ కాలేజీల్లోని అనేక మెకానికల్, కెమికల్, ఇతర ఇంజినీరింగ్ విభాగాలు మూతపడే దశలో ఉన్నాయి. ఈ ప్రాంతం సిలికాన్ వ్యాలీకి అద్దం పట్టేలా ఉంది. ఆంధ్రా ఇంజనీరింగ్ కళాశాలలు ఇప్పుడు కృత్రిమ మేధస్సులో కోర్సులను అందిస్తున్నాయి.

అవిభక్త ఆంధ్రప్రదేశ్ మాజీ ముఖ్యమంత్రి చంద్రబాబు నాయుడు ప్రపంచ టెక్ కంపెనీలను ఆకర్షించడానికి, హైదరాబాద్‌ను భారతదేశం తదుపరి IT రాజధానిగా మార్చడానికి, రాష్ట్రవ్యాప్తంగా మరిన్ని ఇంజనీరింగ్ కళాశాలలను స్థాపించడానికి చేసిన ప్రయత్నాలలో విస్తృతంగా ఘనత పొందారు. ఆంధ్రా ఐటీ రంగంలో పెట్టుబడులు పెట్టేందుకు నాయుడు అమెరికాలో కూడా పర్యటించారు. 

Pesarattu

1987లో, కూచిభొట్ల ఇంజినీరింగ్‌లో మాస్టర్స్ కోసం US వెళ్ళినప్పుడు, ఆంధ్రప్రదేశ్‌లోని మచిలీపట్నం నుండి అలా వెళ్లినవాళ్లలో రెండవ వ్యక్తిగా నిలిచారు. ఆయన చర్య అతని సోదరుడు సోదరి కూడా అమెరికాలో ఉన్నత విద్యను అభ్యసించడానికి ప్రేరేపించింది.

యుఎస్‌లో పిల్లలతో ఉన్న కుటుంబాల సంఖ్యను బట్టి, చిత్తూరు, సిలికాన్ వ్యాలీ మధ్య తరచుగా ప్రయాణాలు జరుగుతాయని గణాంకాలు తేల్చాయి. ఇలా సిలికాన్ వ్యాలీలో పెసరట్టు బాగా ప్రాచుర్యం చెందింది. తెలుగు భాష, సంస్కృతి సిలికాన్ వ్యాలీలో బాగా ప్రాచుర్యం పొందుతోంది.