ఏపీ సిఎం జగన్మోహన్‌ రెడ్డి కి హైదరాబాద్‌ నాంపల్లిలోని ప్రజా ప్రతినిధుల కోర్టు సమన్లు జారీ చేసింది. 2014 ఎన్నికల ప్రచారంలో భాగంగా.. జాతీయ రహదారి-65 పై అనుమతి లేకుండా జగన్‌ ర్యాలీ నిర్వహించారని, ఎన్నికల ప్రవర్తనా నియమావళిని ఉల్లంఘించారంటూ దాఖలైన కేసులో కోర్టు తాజాగా సమన్లు జారీ చేసింది.
ఈ నెల 12 న కోర్టుకు హాజరు కావాలని సిఎం జగన్‌ ను ఆదేశించింది. జాతీయ రహదారి-65 పై ఎన్నికల ప్రచారానికి సంబంధించి జగన్‌ పై అప్పుడు కోదాడ పోలీస్‌ స్టేషన్‌లోనూ కేసు నమోదైంది. ఈ కేసుకు సంబంధించి పోలీసులు తాజాగా చార్జ్‌షీట్‌ ను దాఖలు చేశారు.
ఈ కేసులో జగన్‌ ఎ 1 నిందితుడుగా కాగా, ఎ 2, ఎ 3 నిందితులుగా ఉన్న వారిపై అక్కడి కోర్టు కేసులు కొట్టివేసింది. ఈ కేసులో ఎ 1 నిందితుడిగా ఉన్న జగన్‌ ఇప్పటి వరకు విచారణకు హాజరు కాకపోవడంతో ఈ నెల 12 న కోర్టుకు హాజరు కావాలంటూ.. జగన్‌ కు తాజాగా కోర్టు సమన్లు జారీ చేసింది.