ప‌క్క సీటులో కూర్చుని... కోర్కె తీర్చ‌మ‌ని వేధిస్తున్నాడు... గుంటూరు ఎస్పీ ఆఫీసులోనే

గుంటూరు : ఆమె ప‌క్క సీటులోనే కూర్చుని కోరిక తీర్చ‌మ‌ని రోజూ వేధిస్తున్నాడు. అదీ ఎక్క‌డో కాదు... గుంటూరు జిల్లాలోని ఎస్పీ ఛాంబర్‌కు అతి సమీపంలో ఉండే కార్యాలయంలోనే ఓ జూనియర్‌ అసిస్టెంట్‌ లైంగిక వేధింపులకు గురైంది. ఆమె మనస్తాపంతో ఆత్మహత్యా యత్నానికి పాల

గుంటూరు : ఆమె ప‌క్క సీటులోనే కూర్చుని కోరిక తీర్చ‌మ‌ని రోజూ వేధిస్తున్నాడు. అదీ ఎక్క‌డో కాదు... గుంటూరు జిల్లాలోని ఎస్పీ ఛాంబర్‌కు అతి సమీపంలో ఉండే కార్యాలయంలోనే ఓ జూనియర్‌ అసిస్టెంట్‌ లైంగిక వేధింపులకు గురైంది. ఆమె మనస్తాపంతో ఆత్మహత్యా యత్నానికి పాల్పడటం నగరంలో తీవ్ర కలకలం రేపింది. వివరాల్లోకి వెళితే... గుంటూరు జిల్లా అర్బన్ ఎస్పీ కార్యాలయంలోని పైఅంతస్తులో పరిపాలన విభాగంలో పనిచేసే జూనియర్‌ అసిస్టెంట్‌ మాధవి కార్యాలయంలో ఎలుకల మందు తిని ఆత్మహత్యాయత్నానికి పాల్పడింది. 

కానిస్టేబుల్‌గా పని చేసే ఆమె తండ్రి సాంబయ్య చనిపోవడంతో ఆమెకు పోలీసు కార్యాలయంలో మినిస్టీరియల్‌ విభాగంలో జూనియర్‌ అసిస్టెంట్‌గా ఉద్యోగం ఇచ్చారు. పోలీసు అధికారులు, సిబ్బందికి సంబంధించి హెచ్‌ఆర్‌ఏ బిల్లులను ఆమె చూస్తూ ఉంటారు. బీ సెక్షన్‌ సూపరింటెండెంట్‌‌గా పనిచేసే కరీముల్లా తన కోరిక తీర్చాలంటూ ఆమెను వేధింపులకు గురి చేశాడు.

తన లైంగిక వేధింపులకు లొంగకపోవడంతో ఆమెపై వేధింపులు మరితంగా పెంచాడు. దీంతో చేసేదేమీ లేక బాధితురాలు నేరుగా గత సోమవారం అర్బన్‌ ఎస్పీ త్రిపాఠిని కలిసి ఫిర్యాదు చేసింది. వేధింపులకు సంబంధించి తన వద్ద ఉన్న ఫోన్‌ రికార్డ్స్‌, సీడీలను సైతం అర్బన్‌ ఎస్పీకి అందించింది. దీంతో ఈ వ్యవహారంపై అర్బన్‌ ఎస్పీ విచారణకు ఆదేశించారు. అయినా క‌రీముల్లా వేధింపులు ఆగ‌క‌పోవ‌డంతో ఆమె ఆత్మ‌హ‌త్య‌ా యత్నానికి పాల్పడింది.