ఇటీవలే వివాహం చేసుకున్న భారత బ్యాడ్మింటన్ స్టార్ పివి సింధు తన భర్త వెంకట సాయి దత్తాతో కలిసి శుక్రవారం తిరుమల వేంకటేశ్వర ఆలయాన్ని సందర్శించారు. విఐపి బ్రేక్ దర్శన సమయంలో శ్రీవారిని ఈ నూతన వధూవరులు దర్శించుకున్నారు.
పోసిడెక్స్ టెక్నాలజీస్ ఎగ్జిక్యూటివ్ డైరెక్టర్‌గా పనిచేస్తున్న పివి సింధు, వెంకట సాయి దత్తా డిసెంబర్ 22న రాజస్థాన్‌లోని ఉదయపూర్‌లో వివాహం చేసుకున్నారు. ఈ జంటకు డిసెంబర్ 24న హైదరాబాద్‌లో తమ వివాహ రిసెప్షన్‌ను నిర్వహించారు.
ఇక వివాహానంతరం వేంకటేశ్వర స్వామి ఆశీర్వాదం పొందడానికి తిరుమల వచ్చారు. సింధు సాంప్రదాయ దుస్తులలో, పట్టు చీర ధరించి కనిపించింది. వెంకట సాయి దత్తా సల్వార్ తరహా దుస్తులు ధరించారు.