స్పా సెంటరులో వ్యభిచారం... 10 మంది యువతుల అరెస్టు

హైదరాబాద్ నగరంలో బ్యూటీ సెలూన్, స్పా సెంటరు పేరుతో వ్యభిచారం నిర్వహిస్తున్న గుట్టును పోలీసులు రట్టు చేశారు. ఈ కేసులో మొత్తం 23 మంది అరెస్టు చేశారు. వీరిలో 10 మంది విటులు, 10 మంది అమ్మాయిలు ఉన్నారు. ముగ్గురు నిర్వాహకులను కూడా అరెస్టు చేశారు. ఈ ఘటన మాదాపూర్ సెంటరులో జరిగింది. 

మాదాపూర్ పోలీస్ స్టేషన్ పరిధిలో బ్యూటీ సెలూన్ పేరుతో వ్యభిచారం నిర్వహిస్తున్నట్టు పక్కా సమాచారం అందుకున్న పోలీసులు ఆదివారం రాత్రి దాడులు నిర్వహించారు. ఈ సోదాల్లో స్పా నిర్వాహకుడితోపాటు అందులో పనిచేస్తున్న ఇద్దరు మేనేజర్లు, 10 మంది విటులను అరెస్ట్ చేశారు.

వీరి నుంచి రూ.73 వేల నగదు, 28 సెల్‌ఫోన్లు, కారు స్వాధీనం చేసుకున్న పోలీసులు రూ.4 లక్షలు నిల్వ ఉన్న బ్యాంకు ఖాతాను సీజ్ చేశారు. ఆన్‌లైన్ ద్వారా విటులను ఆకర్షించి ఈ దందా నిర్వహిస్తున్నట్టు పోలీసులు గుర్తించారు. కేసు నమోదు చేసి దర్యాప్తు చేస్తున్నారు.