నేను ఎన్టీఆర్‌లా అమాయకుణ్ని కాదు... వెన్నుపోటు పొడిపించుకునేందుకు...
ఏపీ ముఖ్యమంత్రి, టీడీపీ అధినేత చంద్రబాబు నాయుడు, ఆయన కుమారుడుపై జనసేన పార్టీ అధినేత పవన్ కళ్యాణ్ మరోమారు ఘాటైన విమర్శలు చేశారు. తాను వెన్నుపోటు పొడిపించుకునేందుకు ఎన్టీఆర్‌లా అమాయకుడుని కాదంటూ స్పష్టం
ఏపీ ముఖ్యమంత్రి, టీడీపీ అధినేత చంద్రబాబు నాయుడు, ఆయన కుమారుడుపై జనసేన పార్టీ అధినేత పవన్ కళ్యాణ్ మరోమారు ఘాటైన విమర్శలు చేశారు. తాను వెన్నుపోటు పొడిపించుకునేందుకు ఎన్టీఆర్‌లా అమాయకుడుని కాదంటూ స్పష్టంచేశారు.
జనసేన పార్టీ పోరాట యాత్రలో భాగంగా పవన్ ప్రసంగిస్తూ, 'వెన్నుపోటు పొడవడం చంద్రబాబుకు అలవాటు. లోకేశ్‌ కూడా వెన్నుపోటుతో సీఎం కావాలనుకుంటే కుదరదు. మీరు వెన్నుపోటు పొడుస్తుంటే పొడిపించుకునేందుకు నేను ఎన్టీఆర్‌లా అమాయకుణ్ని కాదు. వెన్నుపోటు రాజకీయాలపై జనసైన్యం తిరగబడుతుంది' అని వ్యాఖ్యానించారు. పైగా, రాబోయే సాధరణ ఎన్నికల్లో ముఖ్యమంత్రిగా ఎవరుండాలి? చంద్రబాబా? జగనా? లేక నేనా? అనేది మీరే నిర్ణయించుకోండి అని వ్యాఖ్యానించారు.
తెలుగుదేశం పార్టీ నేతలు లక్షన్నర కోట్లు తిన్నారని జగన్‌ విమర్శిస్తారు. అంటే రాజకీయాల్లో వేల కోట్ల రూపాయల దోపిడీ జరుగుతుందనేగా అర్థం. అటువంటి దోపిడీని జనసేన అరికడుతుందని పవన్ హామీ ఇచ్చారు. అసెంబ్లీ నుంచి పారిపోవడం కాదు. ప్రశ్నించాలి! అంటూ జగన్‌ను ఎద్దేవా చేశారు.