ఆయన మినిస్టర్.. కానీ టాప్‌ హీరో కంటే ఎక్కువ పబ్లిసిటీ ఉందని తెలిసింది. విద్యార్థుల్లో అంత క్రేజ్‌ను చూసిన ఆయన ఒక్కసారిగా బిత్తరపోయారు. తిరుపతిలోని పద్మావతి మెడికల్‌ కళాశాల ఆడిటోరియంలో జరిగిన ఓ కార్యక్
ఆయన మినిస్టర్.. కానీ టాప్‌ హీరో కంటే ఎక్కువ పబ్లిసిటీ ఉందని తెలిసింది. విద్యార్థుల్లో అంత క్రేజ్‌ను చూసిన ఆయన ఒక్కసారిగా బిత్తరపోయారు. తిరుపతిలోని పద్మావతి మెడికల్‌ కళాశాల ఆడిటోరియంలో జరిగిన ఓ కార్యక్రమానికి వైద్య, ఆరోగ్య శాఖామంత్రి కామినేని శ్రీనివాస్‌ హాజరయ్యారు. కార్యక్రమం అయిపోయిన వెంటనే వచ్చిన విఐపిలతో ఫోటోలు దిగడం కామన్‌.. కానీ మెడికల్‌ కళాశాల అమ్మాయిలు మంత్రి కామినేనితో సెల్ఫీ దిగడానికి ఎగబడ్డారు. ఒకానొక దశలో ఆయన మీదకు తోసుకుని వెళ్ళిపోవడంతో గోడ చివర వరకు వెనక్కి వెనక్కి వెళ్ళిన కామినేని చివరకు రెండు చేతులు పైకెత్తి నిలబడ్డాడు.
అయినప్పటికీ ఏ మాత్రం వెనక్కి తగ్గని అమ్మాయిలు తన సెల్లులు పట్టుకుని మంత్రితో ఫోటోలు దిగడానికి పోటీ పడ్డారు. అక్కడి నుంచి ఎలాగోలా తప్పించుకుని బయటపడ్డ కామినేనిని కళాశాల అమ్మాయిలు మరోసారి చుట్టుముట్టారు. సర్‌.. ఒక్క ఒక్క ఫోటో అంటూ మంత్రిగారు చేసేదేమీ లేక కొద్ది సేపు అలానుంచున్నారు. ఒకరిద్దరు ఫోటోలు తీసుకున్న తర్వాత అక్కడి నుంచి ఎలాగోలా భయపడి హమ్మయ్య అనుకున్నారు మంత్రి కామినేని. అయితే ఇదంతా చూసిన కళాశాల ప్రొఫెసర్ల, మీడియా ప్రతినిధులు అబ్బా మంత్రి గారికి ఇంత ఫాలోయింగ్‌ ఉందా అని ఆశ్చర్యపోయారు.