విశ్వంలోని మిస్టరీని నాసా ఛేదించింది. అంతరిక్షంలో మరో సౌర కుటుంబం ఉన్నట్టు అమెరికా అంతరిక్ష పరిశోధనా సంస్థ నాసా వెల్లడించింది. కెప్లర్‌ టెలిస్కోప్‌, ఆర్టిఫిషియల్‌ ఇంటెలిజెన్స్‌ సహాయంతో.. భూమికి 2,545 కాంతి సంవత్సరాల దూరంలో ఈ సౌర వ్యవస్థ ఉన్నట్లు నాసా అధికారులు ప్రకటించారు.
మన సౌర వ్యవస్థలో సూర్యుడి చుట్టూ గ్రహాలు పరిభ్రమించిన విధంగానే.. అంతరిక్షంలో కొత్తగా గుర్తించిన సౌర వ్యవస్థలోనూ ఒక నక్షత్రం చుట్టూ.. గ్రహాలు తిరుగుతున్నాయని నాసా శాస్త్రవేత్తలు తెలిపారు. తాజాగా గుర్తించిన సౌర వ్యవస్థలో మొత్తం 8 గ్రహాలు ఉన్నట్టు వివరించారు.
అయితే, ఈ సౌర వ్యవస్థలో జీవరాశి మనుగడ సాగించేందుకు అవకాశమే లేదని చెప్పారు. కొత్తగా కనుగొన్న సౌర వ్యవస్థలోని కెప్లర్‌ 90ఐ గ్రహంలో రాళ్లు, పర్వతాలు ఉన్నట్లు శాస్త్రవేత్తలు గుర్తించారు.