ఒక ప‌క్క మాజీ సీఎం వై.ఎస్. రాజ‌శేఖ‌ర్ రెడ్డి వ‌ర్ధంతి కార్య‌క్ర‌మాలు జ‌రుగుతుండ‌గా, ఇదే రోజు రెండు ప్ర‌త్యేక సంద‌ర్భాలు వ‌చ్చాయి. ఒక‌టి జనసేన అధ్యక్షుడు పవన్ కళ్యాణ్ జన్మదినం, మ‌రోటి నందమూరి హ‌రికృష్ణ జన్మదినం. ఈ రెంటికీ టీడీపీ జాతీయ ప్రధాన కార్యదర్శి నారా లోకేష్ స్పందించారు.
జనసేన అధ్యక్షుడు, సోదరుడు పవన్ కళ్యాణ్ గారికి హృదయ‌పూర్వక జన్మదిన శుభాకాంక్షలు. మీరు మరెన్నో ఆనందకరమైన పుట్టిన రోజు వేడుకలు ఘనంగా జరుపుకోవాలని మనస్ఫూర్తిగా కోరుకుంటున్నాను అని ప‌వ‌ర్ స్టార్ కు శుభాకాంక్షలు తెలిపారు నారా లోకేష్.
ఇక త‌న మామ‌య్య నందమూరి హ‌రికృష్ణ‌కు నివాళులు అర్పిస్తూ... కొందరు మన మధ్య లేకపోయినా వారితో మనకు ఉన్న అనుబంధం వారిని సజీవంగా మన కళ్ళ ముందు ఉంచుతుంది. నా విషయంలో హరి మావయ్య కూడా అంతే. ఆయన జయంతి సందర్భంగా హరి మావయ్య స్మృతికి ఘన నివాళులు అర్పిస్తున్నాను అని ట్వీట్ చేశారు నారా లోకేష్.