సుప్రీంకోర్టు తీర్పు ప్రకారం ఆంధ్రప్రదేశ్, తెలంగాణ రాష్ట్రాల్లో వైద్య సీట్లు అన్నీ భర్తీ చేయాలని విద్యార్థుల తల్లిదండ్రులు ఆంధ్రప్రదేశ్, తెలంగాణ రాష్ట్ర ప్రభుత్వాలని డిమాండ్ చేస్తున్న సంగతి తెలిసిందే. మంగళవారంనాడు వారు ఈ డిమాండ్‌తో విజయవాడలోని ఎన్టీఆర్ హెల్త్ యూనివర్శిటీ ఎదుట పెద్ద ఎత్తున ఆందోళన చేపట్టారు. మొత్తం సీట్లు భర్తీ చేయకపోతే కౌన్సెలింగ్ కౌన్సెలింగ్ నిలిపివేయాలన్నారు.
సీట్లు భర్తీ చేయని వైద్య కళాశాల గుర్తింపు రద్దు చేయాలని విద్యార్థుల తల్లిదండ్రులు ప్రభుత్వానికి సూచించారు. కాలేజీ యాజమాన్యాలు చేసిన తప్పులకు విద్యార్థులు బలి కావాలా అంటూ వారు ఆక్రోశించారు. భవిష్యత్‌లో ఇలాంటి తప్పులు పునరావృత్తం కాకుండా కఠిన చర్యలు తీసుకోవాలని విద్యార్థుల తల్లిదండ్రులు డిమాండ్ చేశారు.