విజయవాడ ఇంద్రకీలాద్రి మీద శరన్నవరాత్రి ఉత్సవాల సందర్భంగా ఘోర అపచారం చోటు చేసుకుంది. ఈ ఉత్సవాలకు తగిన భద్రత కల్పించాల్సిన ఓ సర్కిల్ ఇన్‌స్పెక్టర్.. బందోబస్తు చర్యలు పక్కనబెట్టి.. తన మొబైల్ ఫోనులో అశ్లీల చిత్రాలను వీక్షిస్తూ భక్తులకు చిక్కిపోయాడు. దీంతో అతన్ని సస్పెండ్ చేస్తూ కృష్ణా జిల్లా ఎస్పీ విజయ్ కుమార్ ఆదేశాలు జారీ చేశారు.
మూలా నక్షత్రం రోజున దుర్గమ్మవారి భక్తుల కోలాహలం మధ్య గుడివాడ సీసీఎస్ సీఐ ప్రసాద్ సెల్ ఫోన్‌లో నగ్న చిత్రాలు చూస్తూ పట్టుబడ్డాడు. సీఐ ప్రసాద్ విధి నిర్వహణను పక్కన పెట్టి ఓ మూలన తాపీగా కూర్చుని తన సెల్ ఫోన్‌లో నగ్న చిత్రాలను చూస్తుండగా అక్కడే ఉన్న మీడియా కెమెరాలు ఈ దృశ్యాన్ని చిత్రీకరించాయి.
సీఐ చేసిన ఈ ఘనకార్యం బయటకి పొక్కడంతో అధికారులు ఆ సీఐని అదుపులోకి తీసుకున్నారు. ఈ అంశం మీద కృష్ణా జిల్లా ఎస్పీ విజయ్ కుమార్ తీవ్రంగా స్పందించారు. ఈ వ్యవహారం మీద వెంటనే విచారణ జరిపి నివేదిక ఇవ్వాలని విజయవాడ శాంతిభద్రతల డీసీపీని ఆయన ఆదేశించారు.