ఏపీ డిప్యూటీ సీఎం పవన్ కళ్యాణ్ గురించి ఆంధ్రప్రదేశ్ మాజీ ముఖ్యమంత్రి వైఎస్ జగన్ మోహన్ రెడ్డి చేసిన వ్యాఖ్యలపై మంత్రి నాదెండ్ల మనోహర్ తీవ్రంగా స్పందించారు. ప్రజలు వైఎస్ జగన్‌ను ఛీదరించుకున్నారన్నారు. వైనాట్ 175 అన్న జగన్‌కు .. కేవలం ప్రజలు 11 స్థానాలకు మాత్రమే పరిమితం చేశారన్నారు.
జగన్‍లాగా తాము ఆరోపణలు చేయగలమని.. కానీ సభ్యత అడ్డువచ్చి ఊరుకుంటున్నామన్నారు. జగన్ .. పవన్ కళ్యాణ్ పై చేసిన వ్యాఖ్యల్ని ఖండించారు. తాము కూడా జగన్‌ను.. కోడికత్తికి ఎక్కువ, గొడ్డలికి తక్కువ అని అనగలమని.. కానీ సభ్యత ఉంది కనుక ఆలోచిస్తున్నామంటూ కౌంటరిచ్చారు.
మాజీ సీఎం జగన్.. వైఎస్ జగన్ వర్క్ ఫ్రమ్ బెంగళూరు ఎమ్మెల్యే అంటూ నాదెండ్ల మనోహర్ తీవ్రస్థాయిలో పంచ్‌లు వేశారు. నోరు ఉంది కదా.. అని ఏది పడితే అది మాట్లాడితే వదిలేది లేదన్నారు. ప్రతిపక్ష హోదాను పవన్ కళ్యాణ్ కాదు, ప్రజలే ఇస్తారని మనోహర్ నొక్కిచెప్పారు.
పవన్ కళ్యాణ్ జర్మన్ గవర్నెన్స్ మోడల్ గురించి విశదీకరించారని, కానీ జగన్ మోహన్ రెడ్డి తనపై వ్యాఖ్యానించడానికి ఆయనకు ఉన్న అర్హతలను ఆయన ప్రశ్నించారని ఆయన పేర్కొన్నారు. "జగన్ యువతను మోసం చేసి 4.4 మిలియన్ల ఉద్యోగాలు కల్పించానని తప్పుగా చెప్పుకున్నాడు, అయినప్పటికీ గ్రాడ్యుయేట్ ఎమ్మెల్సీ ఎన్నికల్లో పోటీ చేసే ధైర్యం ఆయనకు లేదు" అని మనోహర్ ఆరోపించారు.