విశాఖ‌ప‌ట్నం: ఈ సీన్ చూస్తుంటే... ఇదేదో బాహుబలి పేరడీ... కామెడీ అనుకుంటున్నారా? కాదండి ఇది గిరిజ‌నుల కంట త‌డి. బహుబలి చిత్రంలో సన్నివేశాన్ని గుర్తుకు తెస్తున్న ఈ చిత్రాలు విశాఖ జిల్లాలోనివి.. ఇక్క‌డి చింతపల్లి మండలం కుడుమూసారిలో మువ్వల దావీదు అనే గ
విశాఖ‌ప‌ట్నం: ఈ సీన్ చూస్తుంటే... ఇదేదో బాహుబలి పేరడీ... కామెడీ అనుకుంటున్నారా? కాదండి ఇది గిరిజ‌నుల కంట త‌డి. బహుబలి చిత్రంలో సన్నివేశాన్ని గుర్తుకు తెస్తున్న ఈ చిత్రాలు విశాఖ జిల్లాలోనివి.. ఇక్క‌డి చింతపల్లి మండలం కుడుమూసారిలో మువ్వల దావీదు అనే గిరిజనుడి కుమారుడికి అనారోగ్యం చేసింది. ఆ బాలుడిని ఆసుపత్రికి తీసుకెళ్ల‌డానికి వీరు ప‌డుతున్న అవ‌స్థ‌లివి.
దాదాపు వాగులో 5 కిమీటర్లు నడిచి ప్రభుత్వ ఆసుపత్రికి తోటి గిరిజనుడి సహాయంతో నీళ్లు ఈదుకుంటూ ఒడ్డుకు చేరాడు తండ్రి దావీదు... కుడమూసారి పంచాయితీకి రహదారి సౌకర్యం లేదు. వంతెన లేని కారణంగా వాగు దాటాల్సిన పరిస్థితి. గత పదిరోజులు విడవకుండా కురుస్తున్న భారీ వర్షాలకు ఈ వాగు ఉదృతంగా పోంగి ప్రవహిస్తోంది. ఒకప‌క్క బిడ్డ‌కు బాగా జ్వరం, త‌న కుమారుడిని ఎలాగైనా బ‌తికించుకోవాలని ఆ తండ్రి ప‌డుతున్న త‌ప‌న ఇది. ఇది చూసైనా పాల‌కుల‌కు క‌నువిప్పు క‌లుగుతుందేమో? గిరిజ‌న ప్ర్రాంతాల‌కు వైద్య సౌక‌ర్యాలు క‌ల్పిస్తారేమో అని... ఓ చిన్న ఆశ.