ఫేస్‌బుక్‌తో డబ్బింగ్ ఆర్టిస్టుకు వల... గర్భవతిని చేసిన గుంటూరు యశ్వంత్...
ఎన్నిసార్లు, ఎంతమంది ఫేస్ బుక్ ద్వారా మోసపోయిన ఘటనలు వెలుగుచూస్తున్నప్పటికీ కొత్త కేసులు పుట్టుకువస్తున్నాయి. యువతీయువకులు మోసపోతూనే వున్నారు. తాజాగా హైదరాబాదులో డబ్బింగ్ ఆర్టిస్టు సుజాత కూడా ఇలాగే ఫేస్ బుక్ కారణంగా మోసపోయింది. వివరాల్లోకి వెళితే....
ఎన్నిసార్లు, ఎంతమంది ఫేస్ బుక్ ద్వారా మోసపోయిన ఘటనలు వెలుగుచూస్తున్నప్పటికీ కొత్త కేసులు పుట్టుకువస్తున్నాయి. యువతీయువకులు మోసపోతూనే వున్నారు. తాజాగా హైదరాబాదులో డబ్బింగ్ ఆర్టిస్టు సుజాత కూడా ఇలాగే ఫేస్ బుక్ కారణంగా మోసపోయింది. వివరాల్లోకి వెళితే.... గుంటూరుకు చెందిన వేల్పూరు యశ్వంత్ కొన్ని నెలల క్రితం తన ఫేస్ బుక్కులో డబ్బింగ్ ఆర్టిస్ట్ సుజాతను చూశాడు.
ఫ్రెండ్ రిక్వెస్టుతో మొదలైన పరిచయం ప్రేమ వరకూ వెళ్లింది. దాంతో ఆమెను రహస్యంగా ఓ గుడిలో పెళ్లి చేసుకుని కాపురం పెట్టేశాడు. ఫలితంగా ఆమె గర్భవతి అయ్యింది. దానితో అతడు ఆమెను గర్భస్రావం చేయించుకోవాలని ఒత్తిడి చేశాడు. అందుకు ఆమె నిరాకరించడంతో, చెప్పాపెట్టకుండా గుంటూరు చెక్కేశాడు. దీనితో బాధితురాలు హైదరాబాదు నుంచి గుంటూరు వచ్చింది.
అతడి తల్లిదండ్రుల వద్ద అతడి గురించి నిలదీస్తే వారు సమాధానం చెప్పకపోగా... ఇంటికి తాళం వేసి వెళ్లిపోయారు. ఐతే సుజాత మాత్రం తనకు న్యాయం జరిగే వరకూ ఇక్కడే వుంటానంటూ వారి ఇంటి ముందు కూర్చుంది. పోలీసులు కేసు నమోదు చేసుకుని దర్యాప్తు చేస్తున్నారు.