ప్రస్తుతం ప్రపంచ వ్యాప్తంగా 'బాహుబలి' మేనియా సాగుతోంది. చిన్నాపెద్దా అనే తేడా లేకుండా ప్రతి ఒక్కరూ "బాహుబలి" కోసం ఎదురు చూస్తున్నారు. ముఖ్యంగా ఈ చిత్రంలో బాహుబలిని కట్టప్ప ఎందుకు చంపాడన్నదే ప్రధాన చర్
ప్రస్తుతం ప్రపంచ వ్యాప్తంగా 'బాహుబలి' మేనియా సాగుతోంది. చిన్నాపెద్దా అనే తేడా లేకుండా ప్రతి ఒక్కరూ "బాహుబలి" కోసం ఎదురు చూస్తున్నారు. ముఖ్యంగా ఈ చిత్రంలో బాహుబలిని కట్టప్ప ఎందుకు చంపాడన్నదే ప్రధాన చర్చనీయాంశంగా మారింది. ఈ నేపథ్యంలో వరంగల్ జిల్లాకు చెందిన ఓ కానిస్టేబుల్ ఏకంగా వాట్సాప్‌లో సెలవు చీటీని తన పై అధికారులకు పంపారు. ఈనెల 28వ తేదీన విడుదలయ్యే బాహుబలి చిత్రాన్ని చూసేందుకు తనకు సెలవు మంజూరు చేయాలంటూ కోరారు. ప్రస్తుతం సోషల్ మీడియాలో వైరల్‌గా మారిన ఈ వాట్సాప్ సెలవు చీటీ వివరాలు పరిశీలిస్తే...
వరంగల్ రూరల్‌ జిల్లా గీసుకొండకు చెందిన ఏ. విజయకుమార్ అనే కానిస్టేబుల్ ఈ సెలవు చీటీని రాశారు. "నా పేరు విజయ్‌కుమార్ (పీసీ 1511), గీసుకొండ పోలీసు స్టేషన్‌నందు డ్యూటీ చేయుచున్నాను. నా యొక్క మనవి ఏమనగా... గత రెండు సంవత్సరాల నుండి డ్యూటీపై కాన్సన్‌ట్రేట్ చేయలేక పోతున్నాను. ఎందుకంటే.. "Why killed kattappa to baahubali". ఇట్టి విషయంతో డ్యూటీపై ఏకాగ్రత చేయలేక పోతున్నాను.
కావున ఈనెల 28వ తేదీన విడుదల అవుతున్న బాహుబలి చిత్రాన్ని చూసేందుకు మార్నింగ్ షోకు వెళ్లి నా యొక్క సందేహము తీర్చుకొనుటకుగాను ఒక్కరోజు అనగా 28-4-2017 రోజున సీఎల్ మంజూరు చేయగలరని నా యొక్క ముఖ్య ప్రార్థన" అంటూ ఆ కానిస్టేబుల్ తన లేఖలో పేర్కొన్నారు.