మద్యం కిక్కుతో విద్యుత్ తీగలపై హాయిగా పడుకున్న తాగుబోతు (video)

మద్యం తలకెక్కిన మత్తులో ఓ మందుబాబు ఏకంగా విద్యుత్ స్తంభం పైకి ఎక్కేసాడు. అంతేకాదు... ఎంచక్కా కరెంట్ తీగలపై పడుకున్నాడు. ఐతే ఇలా కరెంటు తీగలపై పడుకున్న ఆ తాగుబోతు ఎలా బ్రతికి బయటపడ్డాడో తెలుసా..?

పార్వతీపురం మన్యం జిల్లాలోని పాలకండలో ఓ వ్యక్తి పీకలవరకూ పూటుగా మద్యం సేవించాడు. ఆ తర్వాత వీధిలో తూలుతూ పడుతూ లేస్తూ మెల్లగా కరెంట్ స్తంభం వద్దకు వచ్చాడు. అందరూ చూస్తుండగా... నేను ఈ స్తంభం ఎక్కి చూపిస్తానంటూ ఎవరు వారించినా వినకుండా విద్యుత్ స్తంభం ఎక్కడం ప్రారంభించాడు. దీనితో భయాందోళనకు గురైన స్థానికులు వెంటనే ట్రాన్స్ ఫార్మర్ వద్ద ఫీజు పీకేసారు.