తిరుమలలో మద్యంపై నిషేధం ఉంది. తిరుపతిలో అలిపిరి వద్ద కూడా కొండపైకి వెళ్లేవాళ్లను చెక్ చేస్తుంటారు. అయితే తిరుమలలో ఓ మందుబాబు హల్ చల్ చేశాడు. మద్యం మత్తులో తిరుమల మాఢవీధుల్లో హంగామా సృష్టించాడు. అంతేకాదు ఎవరికి ఎంత మందు కావాలంటే అంత మందు అమ్ముతా అంటున్నాడు. ఓ మహిళతో వాగ్వాదం పెట్టుకున్నాడు.
ఈ క్రమంలో టీటీడీ విజిలెన్స్ సిబ్బంది అతడిని అక్కడ్నించి బలవంతంగా తరలించారు. అతడు మద్యం తాగి కొండపైకి వచ్చాడా.. లేక కొండపైనే మద్యం తాగాడా? అనే కోణంలో పోలీసులు విచారిస్తున్నారు.
ఈ ఘటనకు సంబంధించిన వీడియో నెట్టింట వైరల్ అవుతోంది. ఈ ఘటనపై నెటిజన్లు తీవ్రస్థాయిలో మండిపడుతున్నారు. కూటమి ప్రభుత్వంలో తిరుమల లాంటి పుణ్యక్షేత్రంలో ఇలాంటి ఘటనలు జరుగుతున్నాయంటూ ఏకిపారేస్తున్నారు.