Polavaram: పోలవరం-బనకచర్ల ప్రాజెక్టును రాజకీయం చేయొద్దు.. చంద్రబాబు వార్నింగ్

పోలవరం-బనకచర్ల ప్రాజెక్టులను తెలంగాణ అధికారులకు అనుసంధానించడంపై ఉన్న అన్ని అనుమానాలను మంత్రులు నివృత్తి చేయాలని ఏపీ ముఖ్యమంత్రి చంద్రబాబు నాయుడు సూచించారు. ఈ ప్రాజెక్టు వరద నీటిని మాత్రమే ఆంధ్ర ప్రభుత్వం ఉపయోగించుకుంటుంది.

అందువల్ల ఈ ప్రాజెక్టు వల్ల తెలంగాణ ప్రభుత్వానికి ఎటువంటి నష్టం జరగదు. కేబినెట్ సమావేశం తర్వాత చంద్రబాబు మీడియాతో మాట్లాడుతూ, తెలంగాణ చేపట్టిన ఏ ప్రాజెక్టుపై ఆంధ్రప్రదేశ్ అభ్యంతరం చెప్పలేదని అన్నారు. సముద్రంలోకి వృథాగా పోతున్న 3వేల టీఎంసీలను మాత్రమే ఏపీ వాడుకుంటుందని తెలిపారు. 

వరద జలాలను తెలంగాణ కూడా వాడుకోవచ్చని తమకు అభ్యంతరం లేదని సీఎం చంద్రబాబు తేల్చిచెప్పారు. అందరు నాయకులు పోలవరం-బనకచర్ల లింక్ ప్రాజెక్ట్ గురించి మాట్లాడాలి. అది తెలంగాణ ప్రయోజనాలకు హానికరం కాదని వారికి, ప్రజలకు స్పష్టం చేయాలి. 

కొంతమంది తెలంగాణ నాయకులు ఈ ప్రాజెక్టుపై సందేహాలను లేవనెత్తుతున్నారని, ఈ అంశాన్ని రాజకీయం చేయడానికే ఈ ప్రాజెక్టుపై చర్చించారని మండిపడ్డారు. మొదటి దశలో అమలు చేసిన నియమాలను రెండవ దశలో కూడా అమలు చేయాలని చంద్రబాబు అన్నారు.

రెవెన్యూ సమస్యలన్నింటినీ ఏడాదిలోపు పరిష్కరించాలని కూడా స్పష్టం చేశారు. తెలంగాణ వాళ్లు అనుమతి లేని ప్రాజెక్ట్‌లను కూడా కడుతున్నారని సీఎం చంద్రబాబు గుర్తుచేశారు. ఇంకా చాలా ప్రాజెక్ట్‌లను వాళ్లు కడుతున్నారని తెలిపారు.