ఉప ముఖ్యమంత్రి పవన్ కళ్యాణ్‌కు కేటాయించిన శాఖలు ఇవే...

ఏపీ ఉప ముఖ్యమంత్రిగా ప్రమాణ స్వీకారం చేసిన జనసేన పార్టీ అధినేత పవన్ కళ్యాణ్‌కు ముఖ్యమంత్రి నారా చంద్రబాబు నాయుడుకి శాఖలను కేటాయించారు. డిప్యూటీ సీఎంతో పాటు పవన్‌కు పంచాయతీ రాజ్, గ్రామీణాభివృద్ధి, గ్రామీణ ప్రాంతాల్లో తాగునీటి సరఫరా, పర్యావరణం, అటవీ, సైన్స్ అండ్ టెక్నాలజీ శాఖలను సీఎం చంద్రబాబు కేటాయించారు. అలాగే, మంత్రి నారా లోకేశ్‌కు కూడా కీలక శాఖలను కేటాయించారు. హ్యూమన్ రిసోర్స్ (విద్య), ఐటీ ఎక్ట్రానిక్స్, సమాచారం,  ఆర్టీజీ శాఖలను కేటాయించగా, జనసేన సీనియర్ నేత నాదెండ్ల మనోహర్‌కు ఆహారం, పౌరసరఫరాల మంత్రిత్వ శాఖను కేటాయించారు. 

ఆ తర్వాత మంత్రి పవన్‌కు సీఎం చంద్రబాబు శుభకాంక్షలు తెలుపుతూ ట్వీట్ చేశారు. "ఆంధ్రప్రదేశ్ రాష్ట్ర ముఖ్యమంత్రిగా నియమితులైన పవన్ కళ్యాణ్‌కు శుభాకాంక్షలు. ఏపీ మంత్రివర్గంలోని మంత్రులు అందరికీ శాఖలు కేటాయించడం జరిగింది. వారందరికీ కూడా శుభకాంక్షలు తెలుపుతున్నాను. మేం అందరం కలిసి రాష్ట్ర ప్రజలకు సేవ చేస్తామని, ప్రజా పాలనాశకానికి నాంది పలుకుతామని ప్రతిజ్ఞ చేశాం. మంత్రులుగా పోర్ట్ ఫోలియోలు అందుకున్న మీరు మన ప్రజల ఆకాంక్షలు నెరవేర్చడానికి కృషి చేస్తారని గట్టిగా నమ్ముతున్నాను. ఈ పవిత్రమైన బాధ్యతలతో కూడిన ప్రస్థానాన్ని ప్రారంభిస్తున్న మీకందరికీ బెస్ట్ విషెస్ తెలియజేస్తున్నాను" అంటూ చంద్రబాబు ట్వీట్ చేశారు.