ఆంధ్రప్రదేశ్ రాష్ట్ర పునర్వ్యవస్థీకరణ చట్టం 2024కి సంబంధించి దీర్ఘకాలంగా పెండింగ్‌లో ఉన్న సమస్యలపై చర్చించేందుకు కేంద్ర హోం మంత్రిత్వ శాఖ స్పందించింది. ఇరు రాష్ట్రాల సమస్యల పరిష్కారంపై చొరవచూపింది. ఇందులోభాగంగా, తెలంగాణ, ఆంధ్రప్రదేశ్ రాష్ట్రాల ప్రభుత్వ ప్రధాన కార్యదర్శులు, ఉన్నతాధికారులు ఢిల్లీకి రావాలని ఆదేశించింది. ఈ సమావేశం ఈ నెల 24 తేదీన న్యూఢిల్లీలో కీలక సమావేశాన్ని ఏర్పాటుచేసింది. ఇటీవల హైదరాబాద్‌లో ఇద్దరు ముఖ్యమంత్రులు ఏ.రేవంత్‌రెడ్డి, ఎన్‌.చంద్రబాబు నాయుడుల మధ్య జరిగిన భేటీ నేపథ్యంలో ఈ భేటీ ప్రాధాన్యత సంతరించుకుంది.
భద్రాచలం ఆలయ సమీపంలోని ఐదు గ్రామాలను తెలంగాణకు అప్పగించే అంశంపై సీఎంల సమావేశంలో తీసుకున్న నిర్ణయంపై ఈ సమావేశంలో చర్చ జరుగుతుందేమో చూడాలి. రెండు తెలుగు రాష్ట్రాల మధ్య విద్యుత్ బకాయిలు, నీరు, ఆస్తులు పంచుకోవడం వంటి వివాదాస్పద అంశాలతో పాటు షెడ్యూల్ 13 కింద జాబితా చేయబడినవి చర్చకు వచ్చే అవకాశం ఉంది.
ఆంధ్రప్రదేశ్‌లో జాతీయ ప్రాముఖ్యత కలిగిన సంస్థలను, ఆంధ్రప్రదేశ్‌లో సూపర్ స్పెషాలిటీ కమ్ హాస్పిటల్ కమ్ టీచింగ్ ఇన్‌స్టిట్యూషన్‌లను నెలకొల్పడానికి, రాష్ట్రంలో నేషనల్ ఇన్‌స్టిట్యూట్ ఆఫ్ డిజాస్టర్ మేనేజ్‌మెంట్‌ను స్థాపించడానికి చర్యలు తీసుకుంటుంది. షెడ్యూల్ 13లోని ఇతర అంశాలు ఆంధ్రప్రదేశ్‌లోని దుగ్గిరాజుపట్నం వద్ద కొత్త మేజర్ పోర్టును అభివృద్ధి చేయడం, తెలంగాణలోని ఖమ్మం జిల్లాలో మరియు ఏపీలో వైఎస్ఆర్ జిల్లాలో సమీకృత ఉక్కు కర్మాగారాన్ని ఏర్పాటు చేయడం, తెలంగాణలోని వెనుకబడిన ప్రాంతాలలో రహదారి కనెక్టివిటీని మెరుగుపరచడానికి జాతీయ రహదారుల మంత్రిత్వ శాఖ చర్యలు తీసుకోవడం.