డా॥ సి నారాయణరెడ్డి మృతికి మంత్రి అఖిలప్రియ సంతాపం

అమరావతి : ప్రముఖ సాహితీవేత్త, జ్ఞానపీఠ అవార్డు గ్రహీత డాక్టర్ సింగిరెడ్డి నారాయణ రెడ్డి ఆకస్మిక మృతికి ఆంధ్రప్రదేశ్ రాష్ట్ర పర్యాటక, తెలుగుభాష, సాంస్కృతిక శాఖల మంత్రి భూమా అఖిలప్రియ సంతాపం వ్యక్తం చేశారు. సినారె మృతి పట్ల తీవ్ర దిగ్భ్రాంతిని వ్యక్తం

అమరావతి : ప్రముఖ సాహితీవేత్త, జ్ఞానపీఠ అవార్డు గ్రహీత డాక్టర్ సింగిరెడ్డి నారాయణ రెడ్డి ఆకస్మిక మృతికి ఆంధ్రప్రదేశ్ రాష్ట్ర పర్యాటక, తెలుగుభాష, సాంస్కృతిక శాఖల మంత్రి భూమా అఖిలప్రియ సంతాపం వ్యక్తం చేశారు. సినారె మృతి పట్ల తీవ్ర దిగ్భ్రాంతిని వ్యక్తం చేసిన మంత్రి, ఆయన కుటుంబ సభ్యులకు ప్రగాఢ సానుభూతిని తెలియజేశారు. 

ఇలాంటి సమయంలో వారి కుటుంబసభ్యులకు మనోనిబ్బరాన్ని, గుండె ధైర్యాన్ని ప్రసాదించాలని దేవుని ప్రార్థిస్తున్నానన్నారు. సాహిత్య రంగంలో సినారె కృషి ఎన్నటికీ మరువలేనిదని మంత్రి కొనియాడారు. అధ్యాపకుడిగా, సాహితీవేత్తగా, కవిగా, సినీ గేయ రచయితగా ఆయన ఎనలేని కృషిచేశారన్నారు. 

సినారె మరణం సాహితీ రంగానికి తీరని లోటని మంత్రి అఖిలప్రియ తెలియజేశారు. రాజ్యసభ సభ్యుడిగా ఆయన చేసిన సేవలు చరిత్రలో మిగిలిపోతాయన్నాని మంత్రి అఖిలప్రియ తెలిపారు.