అసెంబ్లీ ఎన్నికల్లో ఏపీ ప్రజలు ఎవరూ ఊహించని అనూహ్యమైన రీతిలో వైసీపీ విజయ ప్రభంజనం సాగుతోంది. వైసీపీ ఇప్పటికే 148 స్థానాల్లో విజయం సాధించి మరో 3 సీట్లలో ఆధిపత్యాన్ని చూపుతోంది. ఇక తెలుగుదేశం 20 చోట్ల ఆధిక్యంలో కొనసాగుతూ 3 చోట్ల విజయం సాధించింది.
మంగళగిరి నుంచి పోటీ చేసిన మంత్రి నారా లోకేశ్ పరాజయం పాలయ్యారు. ఈ ఫలితాలతో తెలుగుదేశం పార్టీ కార్యాలయం వద్ద సందడి మాయమైంది. అంతా డీలాపడి కనిపిస్తున్నారు. ఇక జనసేన పార్టీ గల్లంతయ్యింది. పవన్ కల్యాణ్ సైతం గెలిచే స్థితిలో కనబడటం లేదు. మొత్తమ్మీద ఆంధ్రప్రదేశ్ ప్రజలు ఏకపక్షంగా అధికారాన్ని వైసీపికి కట్టబెట్టేస్తున్నట్లు స్పష్టంగా అర్థమవుతుంది.