ప్రపంచ దేశాల్లో కరోనా వైరస్ విజృంభిస్తోంది. ముఖ్యంగా రష్యాలో కోవిడ్ విలయతాండవం చేస్తోంది. రష్యాలో కరోనా కేసులు భారీగా నమోదవుతున్నాయి. మరణాలు కూడా అదే స్థాయిలో నమోదవుతుండడంతో దేశ ప్రజలు ఆందోళన చెందుతున్నారు. గడిచిన 24 గంటల్లో రష్యాలో 4,870 కరోనా కేసులు నమోదు కాగా.. 90 మంది వ్యాధి బారిన పడి మరణించారు.
గురువారం నాటికి దేశంలో 222,304 మంది కరోనా సోకి దవాఖానల్లో చికిత్స పొందుతుండగా దేశవ్యాప్తంగా 33.8 మిలియన్లకు పైగా పరీక్షలు చేశామని రష్యా వినియోగదారుల హక్కులు, మానవ శ్రేయస్సు శాఖ శుక్రవారం ఒక ప్రత్యేక ప్రకటనలో తెలిపింది.
ఇకపోతే... రష్యాలో కరోనా కేసుల సంఖ్య 946,976కు చేరుకుంది. ఇప్పటివరకు 16,189 మంది కరోనాతో మృత్యువాత పడ్డారు. గడిచిన 24 గంటల్లో 5,817 మంది వ్యాధి నుంచి కోలుకొని డిశ్చార్జి కాగా.. ఇప్పటివరకు 761,330 మంది రికవర్‌ అయినట్లు ఆ దేశ అధికార ప్రతినిధులు ఓ ప్రకటనలో తెలిపారు.
