వృశ్చికం : విశాఖ 4వ పాదం, అనూరాధ, జ్యేష్ట 1,2,3,4 పాదములు ప్రతి విషయంలోను దూకుడుగా వ్యవహరిస్తారు. మీ వైఖరి కొందరికి మనస్తాపం కలిగిస్తుంది. అందరితో సామరస్యంగా వెలగండి. ఎవరినీ కించపరచవద్దు, బంధువర్గం వారితో విభేదిస్తారు. కొత్త సమస్య తలెత్తే సూచనలున్నాయి. దంపతుల మధ్య చీటికిమాటికి కలహాలు. గృహంలో స్తబ్ధత నెలకొంటుంది. ఆదాయం బాగుంటుంది. విలాసాలకు వివరీతంగా వ్యయం చేస్తారు. రావలసిన ధనాన్ని లౌక్యంగా రాబట్టుకోవాలి పనుల్లో ఒత్తిడి, చికాకులు అధికం. నోటీసులు అందుకుంటారు. ఒక సమాచారం ఆందోళన కలిగిస్తుంది. న్యాయ నిపుణులతో సంప్రదింపులు జరుపుతారు. వృత్తి వ్యాపారాలు సామర్థ్యంగా సాగుతాయి. చిరువ్యాపారులకు నిరాశాజనకం. ఉద్యోగ బాధ్యతలపై దృష్టి పెట్టండి. నిరుద్యోగులకు ఇంటర్వూలో ఏకాగ్రత ప్రధానం. కీలక చర్చల్లో పాల్గొంటారు.