జాతకం

కర్కాటకం : పునర్వసు 4వ పాదం, పుష్యమి, ఆశ్లేష వ్యవహారానుకూలత అంతంత మాత్రమే. తప్పటడుగు వేసే ఆస్కారం ఉంది. అనుభవజ్ఞుల సలహా తీసుకోండి. మొహమ్మాటాలు, భేషజాలకు పోవద్దు. అవకాశాలు అందినట్టే చేజారిపోతాయి. ఈ చికాకులు తాత్కాలికమే. కొందరి వ్యాఖ్యలు ఉత్తేజపరుస్తాయి. ఆత్మస్థైర్యంతో యత్నాలు సాగిస్తారు. మీ కృషి త్వరలో ఫలిస్తుంది. అర్ధాంతంగా ముగించిన పనులు పూర్తి చేస్తారు. పత్రాల్లో సవరణలు అనుకూలిస్తాయి. ఖర్చులు విపరీతం. ఒక అవసరానికి ఉంచిన ధనం మరోదానికి ఖర్చుచేస్తారు. గురువారం నాడు దంపతుల మధ్య అకారణ కలహం. చిన్న విషయాన్నీ పెద్దది చేసుకోవద్దు. సంతానానికి ఉన్నత విద్యావకాశం లభిస్తుంది. వ్యాపారాలు క్రమంగా ఊపందుకుంటాయి. ఉద్యోగ బాధ్యతలు సమర్ధంగా నిర్వహిస్తారు. వృత్తి ఉపాధి పథకాల్లో నిలదొక్కుకుంటారు.