మిథునం : మృగశిర 3, 4 పాదాలు, ఆర్ద్ర, పునర్వసు 1, 2, 3 పాదాలు గ్రహస్థితి బాగుంది. ఆర్ధికంగా నిలదొక్కుకుంటారు. స్థిరాస్తి అమర్చుకునే దిశగా యన్నాలు సాగిస్తారు. దళారులతో అప్రమత్తంగా ఉండాలి. చెల్లింపులు, నగదు స్వీకరణలో జాగ్రత్త కొత్త పనులకు శ్రీకారం చుడతారు. మీ శ్రీమతి వైఖరిలో మార్పు వస్తుంది. వివాహయత్నాలు తీవ్రంగా సాగిస్తారు. ఒక సంబంధం కుదిరే సూచనలున్నాయి. మీ ఇష్టాయిష్టాలను స్పష్టంగా తెలియజేయండి. గురువారం నాడు మితంగా సంభాషించండి. మీ వ్యాఖ్యలను కొందరు వేరే విధంగా చిత్రీకరిస్తారు. పెద్దల జోక్యంతో వివాదం సద్దుమణుగుతుంది. సంతానం విజయం సంతోషం కలిగిస్తుంది. అయిన వారిలో ఉత్సాహంగా గడుపుతారు. నూతన వ్యాపారాలు కలిసివస్తాయి. సొంత వ్యాపారాలే అనుకూలం. ఉద్యోగస్తులకు బాధ్యతల మార్పు, నిరుద్యోగుల కృషి ఫలిస్తుంది. అనుకున్న మొక్కులు చెల్లించుకుంటారు.