కుంభం : ధనిష్ట 3, 4 పాదాలు, శతభిషం, పూర్వాబాద్ర 1, 2, 3 పాదాలు మానసిక స్థితి బాగుంది. ప్రతి విషయంలోను ధైర్యంగా ముందుకెళతారు. స్నేహసంబంధాలు బలపడతాయి. కొత్త యత్నాలు చేపడతాడు. అవకాశాలను తక్షణం అందిపుచ్చుకోండి. అనుమానాలు, అపోహలకు తావివ్వవద్దు. ఖర్చులు విపరీతం. చేతిలో ధనం నిలవదు. చేబదుళ్లు స్వీకరిస్తారు. శుక్రవారం నాడు ముఖ్యల కలయిక వీలుపడదు. మొక్కుబడిగా పనులు పూర్తిచేస్తారు. దంపతులకు కొత్త ఆలోచనలు స్ఫురిస్తాయి. వాహనం అమర్చుకోవాలనే కోరిక నెరవేరుతుంది. స్థిరాస్తి వ్యవహారంలో మెలకువ వహించండి. దూరపు బంధువుల ఆహ్వానం అందుకుంటారు. వృత్తి వ్యాపారాలు సంతృప్తికరంగా సాగుతాయి. హోల్‌సేల్ వ్యాపారులకు కొత్త సమస్య ఎదురవుతుంది. ఉద్యోగస్తులకు పదవీయోగం మీ సిఫార్సుతో ఒకరికి సదవకాశం లభిస్తుంది. ఆస్తి వివాదాలు సద్దుమణుగుతాయి.