తుల : చిత్త 3, 4 పాదాలు, స్వాతి, విశాఖ 1, 2, 3 పాదాలు ఈ మాసం సర్వత్రా యోగదాయకమే వ్యవహార జయం, కార్యసిద్ధి ఉన్నాయి. ఆదాయం బాగుంటుంది. ప్రణాళికలు వేసుకుంటారు. ఖర్చులు భారమనిపించవు. పనులు చురుకుగా సాగుతాయి. వివాహయత్నం ఫలిస్తుంది. పెట్టుబడులు ఏకాగ్రత వహించండి. స్తోమతకు మించి హామీలివ్వవద్దు. మీ శ్రీమతి సలహా పాటించండి. గృహాలంకరణ పట్ల ఆసక్తి కలుగుతుంది. ఖరీదైన వస్తువులు కొనుగోలు చేస్తారు. ముఖ్యమైన పత్రాలు, రసీదులు జాగ్రత్త. అనవసర బాధ్యతలతో ఇబ్బందులకు గురవుతారు. ఆప్తులతో తరచు సంభాషిస్తుంటారు. పరిచయస్తుల రాకపోకలు అధికమవుతాయి. సంతానం పై చదువులను వారి ఇష్టానికే వదిలేయండి. మీ ప్రమేయంతో ఒక సమస్య పరిష్కారమవుతుంది. ఆరోగ్యం జాగ్రత్త క్రమం తప్పకుండా ఔషధ సేవనం పాటించండి. సోదరులతో ఉల్లాసంగా గడుపుతారు. వాహనం పిల్లలకివ్వవద్దు.