కన్య : ఉత్తర 2, 3, 4 పాదాలు, హస్త, చిత్త 1, 2 పాదాలు సంప్రదింపులు నిరుత్సాహపరుస్తాయి. ఏ విషయంపై ఆసక్తి ఉండదు. అన్యమనస్కంగా గడుపుతారు. మీ కష్టం నిదానంగా ఫలిస్తుంది. ఆదాయం సామాన్యం, ఊహించని ఖర్చులు ఆందోళన కలిగిస్తాయి. చేబదుళ్లు స్వీకరిస్తారు. మీ శ్రీమతి వైఖరి అసహనం కలిగిస్తుంది. సౌమ్యంగా మెలగండి. చిన్న విషయాన్ని పెద్దది చేసుకోవద్దు. సంతానం మంచి ఫలితాలు సాధిస్తారు. ఆందోళన తగ్గి కుదుటపడతారు. దూరపు బంధువుల ఆహ్వానం ఆశ్చర్యం కలిగిస్తుంది. పత్రాల రెన్యువల్‌లో జాప్యం తగదు. ముఖ్యమైన పనులు, బాధ్యతలు స్వయంగా చూసుకోండి. ఇతరుల విషయాలు తెలుసుకోవాలన్న ఆసక్తి తగదు. ఆరోగ్యం నిలకడగా ఉంటుంది. చిన్ననాటి ఉపాధ్యాయులు, తారసపడతారు. గత సంఘటనలు ఉల్లాసం కలిగిస్తాయి. గృహమరమ్మతులు చేపడతారు. సన్మాన, సంస్మరణ సభల్లో పాల్గొంటారు.