సింహం : మఖ, పుబ్బ, ఉత్తర 1వ పాదం పరిస్థితులు మెరుగుపడతాయి. అన్ని రంగాల వారికీ కలిసివచ్చే సమయం. ఆదాయానికి తగ్గట్టుగా ఖర్చులుంటాయి. కొంత మొత్తం పొదుపు చేస్తారు. సంస్థల స్థాపనలకు రుణాలు మంజూరవుతాయి. దంపతుల మధ్య సఖ్యత నెలకొంటుంది. వివాహయత్నాలు తీవ్రంగా యత్నాలు సాగిస్తారు. దళారులు, కన్సల్టెన్సీలతో జాగ్రత్త. తొందరపడి చెల్లింపులు జరుపవద్దు. అనుభవజ్ఞులను సంప్రదించండి. ఒత్తిళ్లకు లొంగవద్దు. సంతానం మంచి ర్యాంకు సాధిస్తారు. ఆత్మీయులతో తరచు సంభాషిస్తుంటారు. ఒక సమాచారం సంతోషం కలిగిస్తుంది. కనిపించకుండా పోయిన వస్తువులు లభ్యమవుతాయి. గృహాలంకరణ పట్ల ఆసక్తి కలుగుతుంది. విలాస వస్తువులు కొనుగోలు చేస్తారు. ఆరోగ్యం జాగ్రత్త. ప్రముఖులతో పరిచయాలేర్పడతాయి. వ్యాపకాలు సృష్టించుకుంటారు. బెట్టింగులకు పాల్పడవద్దు.