మిథునం : మృగశిర 3, 4 పాదాలు, ఆర్ద్ర, పునర్వసు 1, 2, 3 పాదాలు ఆర్ధికలావాదేవీలతో తీరిక ఉండదు. శ్రమాధిక్యత, అకాల భోజనం. ఆదాయం సంతృప్తికరం. పెద్దఖర్చు తగిలే అస్కారం ఉంది. ధనం మితంగా వ్యయం చేయండి. అర్థాంతంగా నిలిపివేసిన పనులు పూర్తవుతాయి. దూరపు బంధువులతో సంభాషిస్తారు. ఒక సమాచారం ఉత్సాహం కలిగిస్తుంది. వివాహయత్నాలు తీవ్రంగా సాగిస్తారు. ఒక సంబంధం కలిసివస్తుంది. మీ అభిప్రాయాలను పెద్దల ద్వారా తెలియజేయండి. దంపతుల మధ్య అవగాహన లోపం, చీటికిమాటికి అసహనం చెందుతారు. మీ ఆగ్రహావేశాలు అదుపులో ఉంచుకోండి. కనిపించకుండా పోయిన వస్తువులు లభ్యమవుతాయి. సంస్థల స్థాపనలకు అనుకూలం. ఊహించని సంఘటన ఎదురవుతుంది. కార్యక్రమాలు ముందుకు సాగవు. ఆరోగ్యం స్థిరంగా ఉంటుంది. విందులు, వేడుకకు హాజరవుతారు.