మీనం: పూర్వాబాద్ర 4వ పాదం, ఉత్తరాబాద్ర, రేవతి నిర్దిష్ట ప్రణాళికలతో ముందుకు సాగుతారు. వ్యూహాలు, అంచనాలు ఫలిస్తాయి. ఆశలొదిలేసుకున్న ధనం అందుతుంది. దుబారా ఖర్చులు తగ్గించుకుంటారు. పరిచయస్తులు ధనసహాయం అర్ధిస్తారు. పెద్దమొత్తం సాయం తగదు. వివాహయత్నం ఫలిస్తుంది. కళ్యాణమంటపాలు అన్వేషిస్తారు. బంధుమిత్రులు రాకపోకలు అధికమవుతాయి. కీలక వ్యవహారాలు మీ సమర్థంలో సాగుతాయి. మీ సలహా ఉభయులకూ ఆమోదయోగ్యమవుతుంది. ముఖ్యమైన పనులు సకాలంలో పూర్తవుతాయి. మీ శ్రీమతి ఆరోగ్యం కుదుటపడుతుంది. చిన్ననాటి ఉపాధ్యాయులను కలుసుకుంటారు. పత్రాల రెన్యువల్లో జాప్యం తగదు. నిరుద్యోగుల కృషి ఫలిస్తుంది. ఉద్యోగస్తుల కార్యక్రమాలు ప్రశాంతంగా సాగుతాయి. నూతన వ్యాపారాలు కలిసివస్తాయి. విందులు, వేడుకలకు హాజరవుతారు.