కుంభం : ధనిష్ట 3, 4 పాదాలు, శతభిషం, పూర్వాబాద్ర 1, 2, 3 పాదాలు మీదైన రంగంలో రాణింపు, అనుభవం గడిస్తారు. దీర్ఘకాలిక సమస్య నుంచి విముక్తులవుతారు. ఆదాయానికి తగ్గట్టుగా ఖర్చులుంటాయి. పొదుపునకు అస్కారం లేదు. చెల్లింపులు, నగదు స్వీకరణలో జాగ్రత్త, అపరిచితులు మోసగించే ఆస్కారం ఉంది. ఎదురుచూస్తున్న పత్రాలు అందుకుంటారు. గృహమార్పు అనివార్యం. విలువైన వస్తువులు మరమ్మతుకు గురవుతాయి. సన్నిహితులతో తరచు సంభాషిస్తుంటారు. సంతానానికి శుభం. మీ సిఫార్సుతో ఒకరికి సదవకాశం లభిస్తుంది. ఆరోగ్యం పట్ల శ్రద్ద వహించండి. దంపతుల మధ్య స్వల్ప కలహం సామరస్యంగా మెలగండి. ఏ విషయాన్నీ తేలికగా తీసుకోవద్దు. ఒకరి జోక్యంతో సమస్య సద్దుమణుగుతుంది. చిన్ననాటి పరిచయస్తులను కలుసుకుంటారు. గత సంఘటనలు ఉల్లాసం కలిగిస్తాయి. కొత్త యత్నాలు చేపడతారు.