జాతకం

కుంభరాశి: ధనిష్ట 3, 4 పాదాలు, శతభిషం, పూర్వాబాద్ర 1, 2, 3 పాదాలు గతం కంటే అనుకూలదాయకం. అభీష్టం నెరవేరుతుంది. లక్ష్యసాధనలో సఫలీకృతులవుతారు. చేపట్టిన ప్రతి పనీ విజయవంతమవుతుంది. సమయస్ఫూర్తితో నిర్ణయాలు తీసుకుంటారు. మీ కష్టం ఫలిస్తుంది. ఆశలొదిలేసుకున్న బాకీలు వసూలవుతాయి. ఆదాయ వ్యయాలకు పొంతన ఉండదు. మీ ఉన్నతిని చాటుకోవటానికి విపరీతంగా ఖర్చుచేస్తారు. పొదుపునకు అవకాశం లేదు. దంపతుల మధ్య తరచు కలహాలు. ఆత్మీయుల హితవు మీపై మంచి ప్రభావం చూపుతుంది. ఇంటి విషయాలు పట్టించుకుంటారు. ఆరోగ్యం జాగ్రత్త. ఆహార నియమాలు క్రమం తప్పకుండా పాటించండి. సంతానికి ఉద్యోగయోగం. ఉద్యోగస్తులు ప్రశంసలు అందుకుంటారు. వ్యాపారాలు లాభసాటిగా సాగుతాయి. పుణ్యక్షేత్రాలు సందర్శిస్తారు. వేడుకల్లో అత్యుత్సాహం తగదు.