Select Your Language

Notifications

webdunia
webdunia
webdunia
webdunia
Advertiesment

'చంద్రముఖి'ని గుర్తుకుతెచ్చేలా... "స్వయంవద"

'చంద్రముఖి'ని గుర్తుకుతెచ్చేలా...
, మంగళవారం, 16 ఏప్రియల్ 2019 (09:59 IST)
హారర్ చిత్రాల ట్రెండ్‌ను దక్షిణాది చిత్ర పరిశ్రమల్లోకి తిరిగి తీసుకొచ్చిన సినిమా "చంద్రముఖి". ఈ సినిమా సాధించిన ఘన విజయం మరెన్నో కొత్త హారర్ చిత్రాలకు స్ఫూర్తిగా నిలిచింది. ఈ క్రమంలో 'చంద్రముఖి'ని గుర్తుకుతెచ్చేలా రూపొందిన కొత్త సినిమా "స్వయంవద". ఆదిత్య అల్లూరి, అనికారావు జంటగా నటించారు. ల‌క్ష్మి చ‌ల‌న చిత్ర ప‌తాకంపై రాజా దూర్వాసుల ఈ చిత్రాన్ని నిర్మించారు. సకుటుంబ కథా చిత్రంగా స్వయంవదను దర్శకుడు వివేక్ వర్మ తెరకెక్కించారు. 
 
సస్పెన్స్, హారర్, కామెడీ థ్రిల్లర్ తరహాలో రూపొందిన ఈ చిత్రం ఏప్రిల్ 26న విడుదలకు సిద్ధమవుతోంది. ఈ సందర్భంగా దర్శకుడు వివేక్ వర్మ మాట్లాడుతూ... స్వయంవద లాంటి మంచి టైటిల్ పెట్టినందుకే చాలా మంది అభినందిస్తున్నారు. ఫస్ట్‌లుక్, టీజర్‌లకు మంచి స్పందన వచ్చింది. తాజాగా విడుదల చేసిన ట్రైలర్ చూసిన వాళ్లంతా బాగుందని చెబుతున్నారు. సినిమా చూశాక కూడా ఇలాంటి ప్రశంసలే వస్తాయని ఆశిస్తున్నాం. 
 
ఇదొక విశిష్టమైన కథ. నాయిక పాత్ర ఆరు విభిన్న గెటప్‌లలో కనిపిస్తుంది. ప్రేక్షకులు మెచ్చే హారర్, థ్రిల్లర్, కామెడీలాంటి అన్ని అంశాలుంటాయి. కీలక పాత్రల్లో పేరున్న నటులు ప్రతిభావంతంగా నటించారు. సకుటుంబంగా చూసేలా ఎలాంటి ఇబ్బంది లేకుండా కథనం సాగుతుంది. గతంలో మనల్ని అలరించిన చంద్రముఖి చిత్రాన్ని గుర్తుకుతెచ్చేలా స్వయంవద ఉంటుంది. త్వరలో ఘనంగా ప్రీరిలీజ్ వేడుకను నిర్వహించి... ఏప్రిల్ 26న సినిమాను అన్ని ప్రధాన కేంద్రాల్లో ప్రేక్షకుల ముందుకు తీసుకొస్తామని తెలిపారు. 
 
ఈ చిత్రంలో అర్చ‌నా కౌడ్లీ, పోసాని కృష్ణ ముర‌ళి, ధ‌న్ రాజ్, సారికా రామ‌చంద్ర‌రావు, రాంజ‌గ‌న్, లోహిత్ కుమార్, ఆనంద చ‌క్ర‌పాణి, ఆర్తి మోహ్ రాజ్, హిమాంశ రాజ్, ఉమాంత క‌ల్ప‌,  సోనీ హేమంత్ మీన‌న్, బెంగుళూరు శివానీ, బేబి శ్రీశేష ఇతర పాత్రల్లో నటించారు. ఈ చిత్రానికి ఆర్ట్:  మోహ‌న్ జిల్లా, కెమెరా:  వేణు ముర‌ళీధ‌ర్.వి,  సంగీతం: ర‌మ‌ణ‌.జీవి, ఎడిటింగ్:  సెల్వ కుమార్, నిర్మాత‌:  రాజా దూర్వాసుల‌, క‌థ‌,మాట‌లు, క‌థ‌నం, ద‌ర్శ‌క‌త్వం: వివేక్ వ‌ర్మ‌.
 

Share this Story:

Follow Webdunia telugu

తర్వాతి కథనం

బంగార్రాజుపై క్లారిటీ ఇచ్చిన చైత‌న్య..‌. ఇంత‌కీ ఏం చెప్పాడు..?