#RangasthalamTeaser చిట్టిబాబుగా చెర్రీ అదరగొట్టేశాడు (వీడియో)
మెగా ఫ్యాన్స్ ఎప్పుడెప్పుడా అంటూ ఎదురుచూస్తుండిన ''రంగస్థలం'' టీజర్ విడుదలైంది. మైత్రీ మూవీ మేకర్స్ పతాకంపై సుకుమార్ దర్శకత్వంలో రూపుదిద్దుకుంటున్న ఈ చిత్రంలో రామ్‌చరణ్, సమంత, ఆదిపినిశెట్టి, అనసూయ, జగ
మెగా ఫ్యాన్స్ ఎప్పుడెప్పుడా అంటూ ఎదురుచూస్తుండిన ''రంగస్థలం'' టీజర్ విడుదలైంది. మైత్రీ మూవీ మేకర్స్ పతాకంపై సుకుమార్ దర్శకత్వంలో రూపుదిద్దుకుంటున్న ఈ చిత్రంలో రామ్‌చరణ్, సమంత, ఆదిపినిశెట్టి, అనసూయ, జగపతి బాబు, గౌతమి తదితరులు నటిస్తున్నారు. దేవీశ్రీ ప్రసాద్ సంగీతం సమకూర్చారు. నవీన్ ఎర్నేని, రవిశంకర్, మోహన్ చెరుకూరి ఈ చిత్రానికి నిర్మాతలు.
ఈ చిత్రంలో ఓ స్పెషల్ పాటకు పూజా హెగ్డే చిందులేయనుంది. రంగస్థలం తర్వాత రామ్ చరణ్ బోయపాటి శీను చిత్రంలో నటించనున్నాడు. ఆపై ఎన్టీఆర్‌తో ఎస్ఎస్ రాజమౌళి మల్టీస్టారర్‌లో చెర్రీ నటిస్తాడని తెలుస్తోంది. ఇప్పటికే మెగాస్టార్ చిరంజీవి సైరా నరసింహారెడ్డి చిత్రానికి చెర్రీ నిర్మాతగా వ్యవహరిస్తున్నాడు. ఇకపోతే.. తాజాగా విడుదలైన ''రంగస్థలం'' ట్రైలర్‌లో అదిరిపోయే లుక్‌లో చెర్రీ కనిపించాడు.
చిట్టిబాబుగా చెర్రీ లుక్ బాగుంది. మా ఊర్లో అందరూ తనను సౌండ్ ఇంజనీర్‌గా పిలుస్తారనే డైలాగ్, ఊరి పేరు రంగస్థలం అంటూ సాగే మాటలు బాగున్నాయి. చివర్లో చెర్రీ కొడవలి చేత పట్టుకుని వస్తున్న సన్నివేశం అదుర్స్ అనిపిస్తోంది.
''అందరికీ సౌండ్ వినబడద్దండి.. నాకు సౌండ్ కనబడద్దండి.. అందుకే నన్ను సౌండ్ ఇంజనీర్ అంటారండి'' అంటూ చెర్రీ చెప్పే డైలాగ్స్‌ను బట్టి అతను డఫ్ రోల్ పోషిస్తున్నాడని తెలుస్తోంది. తప్పకుండా రంగస్థలం టీజర్ మెగా ఫ్యాన్స్‌కు సూపర్ ట్రీట్‌ ఇస్తుందని సినీ పండితులు చెప్తున్నారు. ఇంకేముంది.. రంగస్థలం ట్రైలర్‌ను మీరూ ఓ లుక్కేయండి.
