మాస్కు లేకుండా తెలంగాణలో తిరగడానికి వీల్లేదు

సోమవారం, 6 ఏప్రియల్ 2020 (21:50 IST)
కరోనా వైరస్​ పరిస్థితుల నేపధ్యంలో మాస్క్​ల తయారీ బాధ్యతలను రాష్ట్ర ప్రభుత్వం స్వయం సహాయక మహిళా సంఘాల(ఎస్​హెచ్​జీ)లకు అప్పగించింది.
 
రాష్ట్ర వ్యాప్తంగా మాస్క్​ల వినియోగం పెరగడం వల్ల మున్సిపల్​ కమిషనర్లు, మెప్మా మిషన్​ కో‌‌–ఆర్డినేటర్లతో జూమ్​ టెక్నాలజీ వినియోగంతో వీడియో కాన్ఫరెన్స్​
 
రాష్ట్ర వ్యాప్తంగా పట్టణ ప్రాంతాల్లో ఉన్న స్వయం సహాయ సంఘాల మహిళలు ఇంటి వద్దే తమ వద్ద ఉన్న కుట్టు మిషిన్ల ద్వారా యుద్ద ప్రాతిపదికన దాదాపు మూడు లక్షల మాస్క్​ల తయారీకి ప్రభుత్వం ఆదేశాలు జారీ చేసింది.
 
మహిళా సంఘాలు తయారు చేసి ఇచ్చే మాస్క్​లను ఎప్పటికప్పుడు రాష్ట్రంలో ఉన్న 139 స్థానిక మున్సిపాలిటీలు, మున్సిపల్​ కార్పొరేషన్లు(జీహెచ్​ఎంసీ మినహా) కొనుగోలు చేయాలని ప్రభుత్వం నిర్దేశించింది. 
 
ఒక్కొక్క మాస్క్​ తయారీకి అయ్యే ఖర్చును కనిష్టంగా రూ.10లు, గరిష్టంగా రూ.14ల చొప్పున కొనుగోలు చేసేందుకు పరిపాలన అనుమతులు ఇచ్చారు. 
 
రెండు మూడు రోజుల్లో అన్ని మున్సిపాలిటీల పరిధిలో విధులు నిర్వహించే మున్సిపల్​ సిబ్బంది, పోలీసులు సిబ్బంది, వీధి విక్రయదారులు(స్ట్రీట్​ వెండర్స్​) ఎవ్వరూ కూడా మాస్క్ ధరించకుండా తిరగడానికి వీలులేదని డైరెక్టర్​ సత్యనారాయణ స్పష్టం చేశారు.

వెబ్దునియా పై చదవండి

తర్వాతి కథనం కరోనా వైరస్ మూడో దశకు వెళితే ప్రమాదకరం, డాక్టర్‌ రణ్‌దీప్‌ గులేరియా, డైరెక్టర్, ఢిల్లీ ఎయిమ్స్‌