రాయల్ ఎన్‌ఫీల్డ్ కంపెనీ కొత్తగా రాయల్ హంటర్ 350 పేరుతో సరికొత్త బైకును మార్కెట్‌లోకి తీసుకొచ్చింది. బైకులు నడపాలనే కోరిక ఉడి, బరువు, ఎత్తు దృష్ట్యా నడపలేని కొనుగోలుదారులను ప్రత్యేకంగా ఆకర్షించేలా ఈ బైకు రూపకల్పన చేశారు. మెట్రో, రెట్రో పేర్లతో ఈ బైకును తీసుకొచ్చారు.
హంటర్ 350 ధర రూ.1,49,900 నుంచి రూ.1,67,757గా ఉంటుందని ఆ కంపెనీ బిజినెస్ హెడ్ వి.జయప్రదీప్ తెలిపారు. ఈ బైకులను ప్రధానంగా పట్టణ ప్రాంత యువతను దృష్టిలో ఉంచుకుని డిజైన్ చేసినట్టు తెలిపారు. 350 సీసీ జే సిరీస్ ఇంజన్ ఫ్లాట్‌ఫాంపై దీన్ని తయారు చేసినట్టు తెలిపారు.
ఈ బైకులు మార్కెట్‌లోకి విడుదల చేసిన తర్వాత ఆయన మాట్లాడుతూ, రాయల్ ఎన్‌ఫీల్డ్ కంపెనీకి తెలుగు రాష్ట్రాల మార్కెట్ ఎంతో కీలకమన్నారు. కంపెనీ దేశయ బైక్‌ల విక్రయాల్లో 10 శాతం విక్రయాలు ఈ రెండు తెలుగు రాష్ట్రాల్లోనే జరుగుతున్నాయని చెప్పారు. దేశీయంగా గత యేడాది 5.7 లక్షల బైకులను విక్రయించినట్టు ఆయన తెలిపారు.
