డామిట్ కథ అడ్డం తిరిగింది : పామును మింగేందుకు కప్ప తంటాలు... నిజమా?

శనివారం, 4 మే 2019 (13:20 IST)
డామిట్ కథ అడ్డం తిరిగింది. సాధారణంగా పెద్ద జీవులు చిన్న జీవులను ఆహారంగా తీసుకోవడం ఆనవాయితీ. ఇలా ఆరగించడాన్ని కూడా మనం నిత్యం చూస్తుంటాం. కానీ, ఇక్కడ ఓ కప్ప ఏకంగా ఓ పామునే మింగేందుకు ప్రయత్నించింది. ఈ పాము పొడవు రెండు అడుగులు. దీన్ని ఓ కప్ప కొంతమేరకు మింగింది. కడుపులో ఖాళీ లేకపోవడంతో సగ భాగం బయటనే ఉండిపోయింది. దీనికి సంబంధించిన వీడియో ఒకటి సోషల్ మీడియాలో వైరల్ అయింది. 
 
ఈ వివరాలను పరిశీలిస్తే, ఆంధ్రప్రదేశ్ రాష్ట్రంలోని కృష్ణా జిల్లా చందర్లపాడు మండలంలోని రామన్నపేటలో ఈ వింత సంఘటన చోటుచేసుకుంది. సాధారణంగా కప్పను పాము మింగడం చూస్తా. కానీ, ఇక్కడ రొటీన్‌కు భిన్నంగా పామును కప్ప మింగేందుకు శతవిధాలా ప్రయత్నించింది. సుమారు రెండు అడుగుల పొడవు ఉన్న పామును మింగలేక, కక్కలేక ఆ కప్ప పడిన పాట్లను కొందరు వీడియో తీసి అంతర్జాలంలో పెట్టడంతో అది కాస్తా వైరల్‌గా మారింది. 

వెబ్దునియా పై చదవండి

తర్వాతి కథనం హజీపూర్ సైకో లవర్ : ఎఫ్.బి ప్రొఫైల్ పిక్‌లో మరో యువతి... ఎవరామె?