ప్ర‌భాస్‌కు ఆల్ ఇండియాలో ఏ హీరోయిన్ అయినా న‌టించే చాన్స్ వ‌స్తే ఎగిరి గంతేస్తారు. అలాంటి కన్నడ భామ శోభిత‌రానాకు ప్ర‌భాస్‌పై క‌న్నుప‌డింది. కానీ ఆ ఛాన్స్ క‌ష్ట‌మంటుంది ఆమె. క‌న్న‌డ‌లో త‌ను వ‌రుస‌గా సినిమాలు చేస్తోంది. అయితే అంద‌రిలాగే టాలీవుడ్‌లో ఎంట్రీ ఇవ్వాల‌ని చూస్తోంది. అందుకు ప్ర‌య‌త్నాలు కూడా చేస్తోంద‌ట.
ఇటీవలే ఓ క‌మ‌ర్షియ‌ల్ ఈవెంట్ కోసం తాజ్ కృష్ణలో ఫ్యాషన్ షోలో పాల్గొంది. ఆ సంద‌ర్భంగా ఓ విలేక‌రి తెలుగులో ఏ హీరోతో అయితే నటిస్తారు అన్న ప్రశ్నకు వెంటనే పాన్ ఇండియా స్టార్ ప్రభాస్ అంటే తనకు చాలా ఇష్టం అని తెలిపింది. అయితే అంత పెద్ద స్టార్ తనకు అవకాశం ఇవ్వడం కష్టమే. కానీ తెలుగులో మిడ్ రేంజ్ హీరోలకు ఈ భామ బెటర్ ఆప్షన్ అనేది అందరి అభిప్రాయం.
అందాల శోభిత సోషల్ మీడియాల్లో ఇతర నాయికలకు ధీటుగా అభిమానుల్ని పెంచుకుంటోంది. తాజాగా బికినీల డ్రెస్‌తోపాటు పింక్ ఫ్లోరల్ ప్రింటెడ్ డ్రెస్ లో శోభిత ఇచ్చిన ఫోజులు యువతరంలో సెన్సేషనల్ గా మారాయి. పంజాబీలో ఇష్క్ బ్రాందీ అనే హిట్ చిత్రంలో నటించిన ఈ బ్యూటీ ఆ తర్వాత బాలీవుడ్ లోనూ `గోలు అండ్ పప్పు` అనే చిత్రంతో రంగ ప్రవేశం చేసింది. ప్రస్తుతం తెలుగులోనూ ఈ బ్యూటీ స్క్రిప్టులు వింటోందని సమాచారం.
