ఒక సన్నివేశానికి 20 కోట్లు. బహుశా ఇలాంటి సినిమా ఇప్పటివరకు తెలుగు సినీపరిశ్రమలో వచ్చి ఉండదు. సినిమా చాలా భారీ బడ్జెట్. ఇద్దరు అగ్ర హీరోలు. ఒక ప్రముఖ దర్శకుడు. సినిమా షూటింగ్ వేగంగా ప్రారంభమైంది. ప్రస్తుతం జరుగుతోంది. ఇప్పటికే అర్థమైఉంటుంది... అదేం సినిమానో.. ఆర్.ఆర్.ఆర్.
జూనియర్ ఎన్టీఆర్, రాంచరణ్ కలిసి నటిస్తున్న ఈ సినిమాను రాజమౌళి దర్శకత్వం వహిస్తున్న విషయం తెలిసిందే. ఈ సినిమాలో ఎన్టీఆర్ ఇంట్రడ్యూసింగ్ సమయంలో ఒకే ఒక్క సీన్ కోసం 20 కోట్ల రూపాయలు ఖర్చుపెట్టారట. తెలుగు సినీ పరిశ్రమలో ఒక్క సన్నివేశానికి ఈ స్థాయిలో డబ్బులు ఖర్చు పెట్టిన దాఖలాలు లేవు. కానీ రాజమౌళి ఒక్కసారి సినిమా స్టార్ట్ చేసిన తరువాత బడ్జెట్‌కు ఏమాత్రం కాంప్రమైజ్ కారన్నది నిర్మాతలకు బాగా తెలుసు.
ఎంత బడ్జెట్ ఖర్చవుతుందో అంతకు రెట్టింపు సినిమాలో సంపాదించుకోవచ్చుననేది నిర్మాతల ఆలోచన. అందుకే రాజమౌళి సినిమాలంటే నిర్మాతలు డబ్బులను చల్లేస్తారు. అస్సలు పట్టించుకోరు. అదే పరిస్థితి ఆర్.ఆర్.ఆర్‌లో కనిపిస్తోంది. జూనియర్ ఎన్టీఆర్, రాంచరణ్‌లకు ఒక మంచి మైలేజ్‌గా ఈ సినిమా చిరస్థాయిగా మిగిలిపోయే అవకాశముందన్నది అభిమానుల ఆలోచన. అయితే ఇప్పటికే ఇద్దరు హీరోయిన్లు అనుకున్నారు కానీ ఒక హీరోయిన్ ఫారెన్ అమ్మాయి తాను నటించనని వెళ్ళిపోవడంతో మరొక హీరోయిన్ కోసం రాజమౌళి వెతుకుతున్నారు.
