ఒకే అబ్బాయిని ఇద్దరు అమ్మాయిలు ఇష్టపడ్డారు. అతను నా వాడంటే.. కాదు నా వాడంటూ వాగ్వాదానికి దిగారు. చివరకు నడిరోడ్డుపై వారిద్దరూ సిగపట్లుపట్టారు. బీహార్ రాష్ట్రంలోని పూర్నియా జిల్లాలో ఈ సంఘటన చోటుచేసుకుంది. దీనికి సంబంధించిన వీడియో ఒకటి ఇపుడు సోషల్ మీడియాలో వైరల్ అవుతుంది.
పూర్నియా జిల్లాలోని గులాబ్ బాగ్ హన్స్‌దా రోడ్డు సమీపంలో ఓ ప్రభుత్వ పాఠశాల ఉంది. ఇక్కడ స్కూన్ యూనిఫామ్‌లో ఉండే ఇద్దరు అమ్మాయిలు నడి రోడ్డుపై జట్టుపట్టుకుని కొట్టుకుంటూ కనిపిస్తారు. వారివద్ద ఆరా తీయగా, తామిద్దరం ఒకే అబ్బాయిని ప్రేమిస్తున్నామని తెలిపారు.
ఇపుడు ఆ అబ్బాయి కోసం వారిద్దరూ ఇతర విద్యార్థుల ముందు వాగ్వాదానికి దిగారు. అలా వాగ్వాదంతో బయటకు వచ్చే క్రమంలో ఇద్దరూ ఒకరిపై ఒకరు చేయిం చేసుకున్నారు. బయటకు వచ్చిన తర్వాత వారికి వాళ్ల స్నేహితులు తోడయ్యారు.
దాంతో గొడవ కాస్త మరింతగా పెద్దదైంది. ఈ క్రమంలో వారంతా రెండు వర్గాలుగా చీలిపోయి, రోడ్డుపై చితక్కొట్టుకున్నారు. ఈ దృశ్యాన్ని చూసిన ఇతరులు వీడియో తీసి సోషల్ మీడియాలో షేర్ చేశారు. దీంతో ఈ వీడియో వైరల్ అయింది. బుద్ధిగా చదువుకోవాల్సిన ఈ సమయంలో ఒక అబ్బాయి కోసం ఈ దిక్కుమాలిన పనులు ఏంటని వారు ప్రశ్నిస్తున్నారు.
