బ్రిటిష్ రాజకుటుంబంపై ఆ ఇంటి కోడలు, ప్రిన్స్ హ్యారీ భార్య మేఘన్ మార్కెల్‌ చేసిన జాత్యహంకార వాదనలపై రాజకుటుంబంకు చెందిన ప్రిన్స్ విలియం సమర్థించారు. ఆమె చేసిన ఆరోపణలు అసంబద్ధమైనవిగా పేర్కొన్నారు. రాజకుటుంబం ఎంతమాత్రమూ జాత్యహంకార కుటుంబం కాదన్నారు. ఈ వ్యాఖ్యల విషయంపై తమ్ముడు హ్యారీతో మాట్లాడుతానని స్పష్టం చేశారు.
ఓ ఇంటర్వ్యూలో ప్రిన్స్ విలియం మాట్లాడుతూ.. బకింగ్‌హామ్ ప్యాలెస్ తమ 61 పదాల ప్రకటనలో హ్యారీ, మేఘన్ జాత్యహంకారం, దుర్వినియోగం ఆరోపణలపై స్పందించాలని కోరింది. కానీ ఈ వివాదాన్ని అరికట్టడంలో విఫలమైంది. తండ్రి ప్రిన్స్ చార్లెస్ తర్వాత రాజకుటుంబంలో రెండవ స్థానంలో ఉన్న ప్రిన్స్ విలియం.. ఓప్రా విన్‌ఫ్రే ఇంటర్వ్యూ తరువాత తమ్ముడు హ్యారీతో ఇంకా మాట్లాడలేదని, తప్పకుండా అతడితో మాట్లాడుతా అని చెప్పారు.
హ్యారీ, మేఘన్ వ్యాఖ్యలు రాజకుటుంబాన్ని కదిలించాయి. జాత్యహంకారం, మానసిక ఆరోగ్యం, బ్రిటన్, దాని పూర్వ కాలనీల మధ్య సంబంధం గురించిన సంభాషణలు ప్రపంచవ్యాప్తంగా మిన్నంటాయి.
