కట్టుకున్న భార్య అక్రమ సంబంధం పెట్టుకుందన్న అనుమానంతో ఓ భర్త కిరాతక చర్యకు పాల్పడ్డాడు. కట్టుకున్న భార్య తల తెగనరికేశాడు. ఆ తలతో నేరుగా పోలీస్ స్టేషన్‌కు వెళ్లి లొంగిపోయాడు. ఈ దారుణం ఒరిస్సా రాష్ట్రంలోని నయాగఢ్ జిల్లాలో వెలుగు చూసింది. శనివారం జరిగిన ఈ వివరాలను పరిశీలిస్తే,
జిల్లాలోని బిజుపాజు గ్రామానికి చెందిన బాఘా - ధరిత్రి (30) అనే దంపతులు ఉన్నారు. అయితే, ధరిత్రి మరో వ్యక్తితో అక్రమ సంబంధం పెట్టుకుందని బాఘా అనుమానించాడు. ఇదే విషయంపై వారి మధ్య పలుమార్లు గొడవలు కూడా జరిగాయి. ఈ పరిస్థితుల్లో ఆవేశంతో పదునైన ఆయుధంతో తలను నరికేశాడు. ఆ తలను చేతపట్టుకుని నేరుగా స్థానిక పోలీస్ స్టేషన్‌కు వెళ్లి లొంగిపోయాడు.
శనివారం ఈ సంఘటన జరిగింది. దీనిపై కేసు నమోదు చేసిన బనిగొచ్చా పోలీసులు... తలలేని ధరిత్రి మొండేన్ని కూడా గుర్తించినట్టు చెప్పారు. నిందితుడిపై కేసు నమోదు చేసి అరెస్టు చేసినట్టు చెప్పారు. ఈ హత్యతో గ్రామస్థులు భయాందోళనకు గురయ్యారని పోలీసులు తెలిపారు.
