జాతకం

కన్యరాశి : ఉత్తర 2, 3, 4 పాదాలు, హస్త, చిత్త 1, 2 పాదాలు కార్యసిద్ధికి సంకల్పబలం ప్రధానం. ఆశావహదృక్పథంతో మెలగండి. అపజయాలకు కుంగిపోవద్దు. మనోబలం పెంచుకోండి. ఆదాయ వ్యయాలకు పొంతన ఉండదు. ఖర్చులు అంచనాలను మించుతాయి. చీటికిమాటికి అసహనం చెందుతారు. సన్నిహితుల సాయంతో ఒక సమస్య సద్దుమణుగుతుంది. మానసికంగా కుదుటపడతారు. ఈ ఇబ్బందులు తాత్కాలికమే. త్వరలో పరిస్థితులు చక్కబడతాయి. అయిన వారు మీ అశక్తతను అర్ధం చేసుకుంటారు. గృహమార్పు కలిసివస్తుంది. సంతానం భవిష్యత్తుపై శ్రద్ధ వహించండి. నిరుద్యోగులకు ఉపాధి శిక్షణ లభిస్తుంది. ఉద్యోగస్తులకు పనిభారం. వ్యవసాయ రంగాల వారికి ఆశాజనకం. వ్యాపారాల్లో ఒడిదుడుకులను సమర్ధంగా ఎదుర్కుంటారు. ఆధ్యాత్మికత పెంపొందుతుంది. వాయిదా పడిన మొక్కులు తీర్చుకుంటారు.