జాతకం

కన్యరాశి : ఉత్తర 2, 3, 4 పాదాలు, హస్త, చిత్త 1, 2 పాదాలు సర్వత్రా యోగదాయకం. మీదైన రంగంలో రాణిస్తారు. మీ జోక్యంతో ఒక సమస్య సానుకూలమవుతుంది. ధనలాభం, వాహన సౌఖ్యం ఉన్నాయి. బాధ్యతలను సమర్ధంగా నిర్వహిస్తారు. ఖర్చులు అధికం, ప్రయోజనకరం. కొంతమొత్తం పొదుపు చేయగల్గుతారు. కీలక పత్రాలు అందుతాయి. స్థిరచరాస్తుల వ్యవహారంలో జాగ్రత్త. ప్రలోభాలకు లొంగవద్దు. ఆరోగ్యం స్థిరంగా ఉంటుంది. దూరపు బంధుత్వాలు బలపడతాయి. వివాహయత్నాలు తీవ్రంగా సాగిస్తారు. ఒక సంబంధం ఆసక్తి కలిగిస్తుంది. జాతక పొంతన ప్రధానం. ప్రణాళికాబద్ధంగా పనులు పూర్తి చేస్తారు. సంతానం కదలికలపై దృష్టి సారించండి. ఉద్యోగపరంగా మంచి ఫలితాలున్నాయి. వృత్తి, ఉపాధి పథకాలు సంతృప్తినిస్తాయి. నూతన వ్యాపారాలకు తరుణం కాదు. సరుకు నిల్వలో జాగ్రత్త. వేడుకల్లో అందరినీ ఆకట్టుకుంటారు.