Webdunia - Bharat's app for daily news and videos

Install App

Select Your Language

Notifications

webdunia
webdunia
webdunia
webdunia
Advertiesment

కేటీఆర్‌ను టాలీవుడ్ ఎత్తుకుపోతుందేమో.. మీరు ఆడుకోవడానికి నేనే దొరికానా?

KTR
గురువారం, 23 జూన్ 2022 (09:44 IST)
KTR
తెలంగాణ ఐటీ పరిశ్రమల శాఖ మంత్రి కేటీఆర్‌పై.. ప్రముఖ పారిశ్రామిక వేత్త మహీంద్రా ఛైర్మన్ ఆనంద్ మహీంద్రా ఆసక్తికర వ్యాఖ్యలు చేశారు. కేటీఆర్ కనుక కెమెరా ముందుకు వస్తే టాలీవుడ్‌ చూస్తూ ఊరుకోదని అన్నారు. తిరుగులేని బ్రాండ్‌ అంబాసిడర్‌ కేటీఆర్ అంటూ పొగడ్తలు కురిపించారు. 
 
వివరాల్లోకి వెళితే... జహీరాబాద్‌లోని ప్లాంట్‌లో మహీంద్రా సంస్థ ఉత్పత్తి చేసిన 3,00,001వ ట్రాక్టర్‌ను మంత్రి కేటీఆర్ ఆవిష్కరించారు. ఈ సందర్భంగా ట్రాక్టర్‌పై కూర్చొని ఫొటోలకు ఫోజులిచ్చారు. అనంతరం ఆ ఫొటోలను ట్విట్టర్ ద్వారా షేర్ చేశారు.
 
అంతేగాకుండా ఆనంద్ మహీంద్రాను ఉద్దేశించి కామెంట్లు చేశారు. "ఆనంద్ మహీంద్రా గారూ చూడండి.. నేను మీ ఉత్పత్తులకు ఫోజులిస్తూ, మార్కెటింగ్ చేయడం కోసం ఎలా ప్రచారం కల్పిస్తున్నానో.. మీరు మా రాష్ట్రానికి మరింత వ్యాపారాన్ని తీసుకురావాల్సి రావచ్చు" అంటూ కేటీఆర్ చమత్కరించారు. 
webdunia
anand mahindra
 
కేటీఆర్ ట్వీట్‌కు ఆనంద్ మహీంద్రా స్పందిస్తూ.. "మీరొక అద్భుతమైన బ్రాండ్ అంబాసిడర్ అనడంలో ఎలాంటి సందేహం లేదు. అయితే, ఆకాశాన్నంటుతున్న టాలీవుడ్ సామ్రాజ్యం మిమ్మల్ని ఎత్తుకుపోతుందేమోనన్నదే నా భయం" అని ఆనంద్ మహీంద్రా ట్వీట్ చేశారు. దానికి నవ్వుతూ ఉన్న ఎమోజీని జత చేశారు.
 
కేటీఆర్ దీనికి మళ్లీ బదులిస్తూ.. "సార్‌.. మీరు ఆడుకోవడానికి నేనే దొరికానా?" అనే అర్థం వచ్చేలా హిందీలో ట్వీట్‌ చేశారు. స్మైలీ ఎమోజీని జత చేశారు.

Share this Story:

Follow Webdunia telugu

తర్వాతి కథనం

దేశంలో పెరుగుతున్న కోవిడ్ పాజిటివ్ కేసులు